ମୁମ୍ବାଇ ( ଏଟିଆର ବ୍ୟୁରୋ) ; ଅଭିନେତ୍ରୀ ତନୁଶ୍ରୀ ଦତ୍ତଙ୍କ ସପକ୍ଷରେ ବାହାରିଲେ ଅଭିନେତ୍ରୀ ସୋହାଅଲ୍ଲୀ ଖାନ । ସେ କହିଛନ୍ତି ଯେ, ଭାରତରେ ମହିଳା ମାନେ ସମ୍ପୁର୍ଣ୍ଣ ଅସୁରକ୍ଷିତ ଏବଂ ଏଠାରେ ସେମାନଙ୍କ ବଞ୍ଚିବା ଅତି କଷ୍ଟକର । ଅଭିନେତ୍ରୀ ନେହା ଧୂପିଆ, ସୋଫି ଚୌଧୁରି, ଅଙ୍ଗଦ ବେଦୀ ଏବଂ ଗୌରବ କାପୁରଙ୍କ ସହ ଗଣମାଧ୍ୟମକୁ ଦେଇଥିବା ଏକ ସାକ୍ଷାତକାରରେ ସେ ଏହା କହିଛନ୍ତି ।
ଅଭିନେତା ନାନା ପାଟେକରଙ୍କ ବିରୋଧରେ ତନୁଶ୍ରୀ କରିଥିବା ଶାରୀରିକ ନିର୍ଯାତନା ଅଭିଯୋଗକୁ ନିନ୍ଦା କରିବା ସହ ତନୁଶ୍ରୀକୁ ସେ ପ୍ରଶଂସା କରିଛନ୍ତି । ଭାରତ ଭଳି ଦେଶରେ ଯେଉଁଠାରେ ମହିଳା ମାନେ ମୁହଁ ଖୋଲିବା ପାଇଁ ମଧ୍ୟ ସାହାସ କରୁନାହାନ୍ତି ସେଠାରେ ତନୁଶ୍ରୀ ପଦକ୍ଷେପ ନିହାତି ପ୍ରଶଂସାଯୋଗ୍ୟ ବୋଲି ସେ କହିଛନ୍ତି । ମୁଁ ଏଭଳି ମହିଳା ମାନଙ୍କ ସହ ସବୁବେଳେ ଅଛି ଏବଂ ଆଗକୁ ରହିବି ବୋଲି ସେ କହିଛନ୍ତି ।
ସେହିପରି ନେହା ଧୂପିଆ ମଧ୍ୟ ଏହି ଘଟଣାକୁ ନିନ୍ଦା କାରିବା ସହ ଭାରତରେ ନିର୍ଯାତିତା ମହିଳା ମାନଙ୍କ ପାଇଁ ଚାଲିଥିବା ମିଁ ଠୁ ଅଭିଯାନକୁ ପ୍ରଶଂସା କରିଛନ୍ତି । ସୂଚନା ଯୋଗ୍ୟ ଯେ ୨୦୦୮ ମସିହାରେ ନାନା ପାଟେକର ତନୁଶ୍ରୀଙ୍କୁ ଏକ ଚଳଚିତ୍ର ସେଟରେ ଶାରିରୀକ ନିର୍ଯାତନା ଦେଇଥିବା କଥା ତନୁଶ୍ରୀ ଏକ ଟକ୍ ଶୋ ମାଧ୍ୟମରେ ପ୍ରକାଶ କରିଥିଲେ ।
