ମୁମ୍ବାଇ (ଏଟିଆର ବ୍ୟୁରୋ): ବଲିଉଡର ଫ୍ୟାସନ ଡିଭା ସୋନମ କପୁରଙ୍କ ଫ୍ୟାନ ଫଲୋଇଙ୍ଗ ଖୁବ୍ ଗଜବ । ବିବାହ ପରେ ସୋନମ ଲାଗାତାର ଚର୍ଚ୍ଚାରେ ରହି ଆସୁଛନ୍ତି । ସେ ତାଙ୍କ ବିବାହାରର ପ୍ରତିଟି ମୁହୁର୍ତ୍ତ ସୋସିଆଲ ମିଡିଆରେ ସେୟାର କରିଥିଲେ ।
ନିକଟରେ ସୋନମ ତାଙ୍କ ଇଂଷ୍ଟାଗ୍ରାମ ଆକାଉଣ୍ଟରେ ପତୀ ଆନନ୍ଦଙ୍କ ସହିତ ଏକ ସୁନ୍ଦର ଫଟୋ ପୋଷ୍ଟ କରିଛନ୍ତି । ଏହି ଫଟୋରେ ସୋନମ କପୁର ତାଙ୍କ ପତୀ ଆନନ୍ଦ ଆହୁଜାଙ୍କୁ କିସ୍ କରୁଥିବାର ନଜର ଆସୁଛନ୍ତି । ଯାହା ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସୋନମଙ୍କ ଫ୍ୟାନ୍ସମାନେ ଏହି ଫଟୋକୁ ଖୁବ୍ ପସନ୍ଦ କରୁଛନ୍ତି । ଏପର୍ଯ୍ୟନ୍ତ ଏହି ଫଟୋକୁ ୪ ଲକ୍ଷରୁ ଉର୍ଦ୍ଧ ଲାଇକସ୍ ମିଳି ସାରିଲାଣି । ଏହି ଫଟୋକୁ ର୍ପୋଷ୍ଟ କରିବା ସମୟରେ ସୋନମ କ୍ୟାପସନରେ ଲେଖିଥିଲେ,‘EverydayPhenomenal@anandahuja’।
ଖବରମୁତାବକ, ସୋନମ କପୁରଙ୍କର ଘନିଷ୍ଠ ବନ୍ଧୁ ନତାଶା ପୁନାୱାଲା ଏକ ଗ୍ରାଣ୍ଡ ପାର୍ଟିର ଆୟୋଜନ କରିଥିଲେ । ସେହି ପାର୍ଟିରେ ସୋନମ ତାଙ୍କ ପତୀଙ୍କ ସହ ପହଞ୍ଚିଥିଲେ । ଏଥିରେ ସୋନମ ଅଫ ସୋଲ୍ଡର ବେଲୁନ ଆର୍ମର ଗାଉନ ପିନ୍ଧିଥିଲେ । ଏବଂ ଆନନ୍ଦ ଏକ ସୁଟ୍ ପିନ୍ଧିଥିବାର ନଜର ଆସିଥିଲେ ।
ଏହି ଗ୍ରାଣ୍ଡ ପାର୍ଟିରେ ସୋନମ କପୁର ଏବଂ ଆନନ୍ଦ ଆହୁଜାଙ୍କ ବ୍ୟତୀତ ବି ଟାଉନର ଅନେକ କଳାକାରମାନେ ସାମିଲ ହୋଇଥିଲେ ।
