ମୁମ୍ବାଇ (ଏଟିଆର ବ୍ୟୁରୋ): ବଲିଉଡ ଅଭିନେତ୍ରୀ ସୁଶ୍ମିତା ସେନ୍ ସର୍ବଦା ତାଙ୍କଠୁ ୧୬ ବର୍ଷ ସାନ ବୟଫ୍ରେଣ୍ଡ ରୋହମନ ସଲଙ୍କ ସହି ସମ୍ପର୍କକୁ ନେଇ ଚର୍ଚ୍ଚାରେ ରହିଥାନ୍ତି । ହୁଏତ ସୁଶ୍ମିତା ଏଯାଏଁ ଏ ମାମଲାରେ ଅଧିକାରିକ ଘୋଷଣା କରିନାହାନ୍ତି । କିନ୍ତୁ ନିକଟରେ ସୁଶ୍କିତା ଏକ ପୋଷ୍ଟ କରିଛନ୍ତି ଯେଉଁଥିରେ ସେ ରୋହମନଙ୍କ ସହିତ ତାଙ୍କ ସମ୍ପର୍କରେ ଅଧିକାରିକ ମୋହର ଲଗାଇଛନ୍ତି ।
ସୁଶ୍ମିତା ତାଙ୍କ ସାନ ଝିଅ ଆଲିଶାଙ୍କର ସ୍ପୋର୍ଟ ଇଭେଣ୍ଟର ଏକ ଭିଡିଓ ସୋସିଆ ମିଡିଆରେ ସେୟାର କରିଛନ୍ତି । ଏହି ଭିଡିଓରେ ରୋହମନଙ୍କ ବ୍ୟତିତ ଅନ୍ୟ ଛୁଆମାନଙ୍କର ପିତାମାନେ ଏକ ରେସରେ ଦଉଡୁ ଥିବାର ନଜର ଆସୁଛନ୍ତି ।
ସବୁଠୁ ବଡ କଥା ହେଉଛି ଏହି ପ୍ରତିଯୋଗିତାରେ ସମସ୍ତଙ୍କୁ ପଛରେ ପକାଇ ରୋହମନ ବିଜୟୀ ହୋଇଥିଲେ । ସୁଶ୍ମିତା ଏହି ଭିଡିଓକୁ ସେୟାର କରି ଲେଖିଛନ୍ତି, ‘ଆଲିଶାଙ୍କ ସ୍କୁଲରେ ପିଲାଙ୍କ ପିତାମାନଙ୍କ ମଧ୍ୟରେ ଦୌଡ ପ୍ରତିଯୋଗୀତା ଥିଲା, ଯେଉଁଥିରେ ରୋହମନ ଭାଗ ନେଇଥିଲେ ଏବଂ ବିଜୟୀ ମଧ୍ୟ ହେଲେ’ ।
ରୋହମନ ଙ୍କ ସହିତ ସୁଶ୍ମିତା ଡେଟ୍ କରୁଛନ୍ତି । ସେ ଅଧିକାଂଶ ଇଭେଣ୍ଟରେ ରୋହମନଙ୍କ ସହିତ ନଜର ଆସନ୍ତି । ଇଂଷ୍ଟାଗ୍ରାମରେ ବି ସୁଶ୍ମିତା ରୋହମନଙ୍କ ସହିତ ଅନେକ ଫଟୋ ପୋଷ୍ଟ କରିଛନ୍ତି ।
ବଲିଉଡରେ ଦୁରେଇ ରହିକି ବି ସୁଶ୍ମିତା ତାଙ୍କ ଆଫେୟାର ଏବଂ ସୌନ୍ଦର୍ଯ୍ୟ ପାଇଁ ଚର୍ଚ୍ଚାରେ ରହି ଆସୁଛନ୍ତି । ସୁଶ୍ମିତା ଜଣେ ସିଙ୍ଗଲ ମଦର । ସେ ରୀନା ଏବଂ ଆଲିଶା ନାମକ ଦୁଇଟି ଛୁଆକୁ କୋଳେଇ ନେଇଛନ୍ତି ।
