ମୁମ୍ବାଇ (ଏଟିଆର ବ୍ୟୁରୋ): ବଲିଉଡର ବର୍ଷିଆନ ମହାନାୟକ ଅମିତାଭ ବଚ୍ଚନଙ୍କ ପରିବାର ସହିତ ଫିଲ୍ମ ଇଣ୍ଡଷ୍ଟ୍ରିର ବହୁତ ପୁରୁଣା ସଂପର୍କ । ଯେପରିକି ଜୟା ବଚ୍ଚନ, ଅଭିଶେଖ ବଚ୍ଚନ ଏବଂ ବୋହୁ ଐଶ୍ଚର୍ଯ୍ୟ ରାୟ ବଚ୍ଚନ ସମସ୍ତେ ଇଣ୍ଡଷ୍ଟ୍ରିରେ ନିଜର ଜାଦୁ ଦେଖାଇ ଦର୍ଶକଙ୍କ ହୃଦୟ ଜିତି ପାରିଛନ୍ତି । ଏହି ତାଲିକାରେ କେବଳ ଝିଅ ଶ୍ୱେତାଙ୍କ ନାମ ନଥିଲା । କିନ୍ତୁ ଏବେ ଅମିତାଭଙ୍କ ଝିଅ ଶ୍ୱେତା ମଧ୍ୟ ଖୁବ୍ ଶୀଘ୍ର ଅଭିନୟରେ ପାଦ ଦେବାକୁ ଯାଉଛନ୍ତି । ହୁଏତ ସେ କୌଣସି ଫିଲ୍ମରେ ନଜର ଆସି ନପାରନ୍ତି । କିନ୍ତୁ ସେ ତାଙ୍କ ପିତା ଅମିତାଭଙ୍କ ସହିତ ଏକ ଜୁଏଲାରୀ ବିଜ୍ଞାପନରେ ନଜର ଆସିବେ ।
ନିକଟରେ ଏହି ବିଜ୍ଞାପନ ସୁଟିଂ ବେଳର କିଛି ଫଟୋ ସାମ୍ନାକୁ ଆସିଛି,ଯେଉଁଥିରେ ପିତା ଅମିତାଭଙ୍କ ସହିତ ଶ୍ୱେତାଙ୍କୁ ଦେଖିବାକୁ ମିଳୁଛି । ଏଥିରେ ଶ୍ୱେତା ତାଙ୍କ ପିତାଙ୍କୁ ଚାଲିବାରେ ସହଯୋଗ କରୁଛନ୍ତି । ଏହି ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ସୂଚନାନୁଯାୟୀ, ବିଜ୍ଞାପନ ନିର୍ମାତା ଜିବି ବିଜୟ ଦ୍ୱାରା ନିର୍ଦ୍ଦେଶିତ ଏହି ବିଜ୍ଞାପନରେ ବାପ-ଝିଅଙ୍କ ଭିତରେ ଭଲପାଇବା ଏବଂ ବିଶ୍ୱାସରେ ପରିପୂର୍ଣ୍ଣ ସଂପର୍କକୁ ଦେଖିବାକୁ ପାଇବେ ଦର୍ଶକ । ଆଗକୁ ଅଫ ସ୍କ୍ରିନ ଏବଂ ଅନ ସ୍କ୍ରିନ ବାପ-ଝିଅଙ୍କ ଭଲ ପାଇବାକୁ ଦର୍ଶକ ପସନ୍ଦ କରିବେ ବୋଲି ଆଶା ରହିଛି ।
