ଭୁବନେଶ୍ୱର (ଏଟିଆର ବ୍ୟୁରୋ): ଖୁବ୍ କମ୍ ବୟସରେ ଷ୍ଟାର ବନିଥିବା ତୈମୁର ଆଜିକାଲି ତାଙ୍କ ଫଟୋକୁ ନେଇ ଅନେକ ଚର୍ଚ୍ଚା ସାଉଣ୍ଟୁଛନ୍ତି । ପ୍ରତ୍ୟେକ ଦିନ ସୋଶିଆଲ ମିଡିଆରେ ଚର୍ଚ୍ଚାରେ ରହୁଥିବା ଏହି ଛୋଟ ନୱାବଙ୍କ ବିଷୟରେ ଆଉ ଏକ ଆଶ୍ଚର୍ଯ୍ୟକର କଥା ସାମ୍ନାକୁ ଆସିଛି । ଯାହାର ଖୁଲାସା କରିଛନ୍ତି ନିଜେ ସୈଫ ଅଲ୍ଲୀ ଖାନ୍ ।
ଆଜ୍ଞା ହଁ କରଣ ଜୋହରଙ୍କ ଚାଟ୍ ସୋ’ ‘କଫି ୱିଥ୍ କରଣ’ରେ ସୈଫ୍ ଅଲ୍ଲୀଙ୍କୁ ଅନେକ ଗୁଡିଏ ପ୍ରଶ୍ନ ପଚରା ଯାଇଥିଲା । ଏହି ମଧ୍ୟରେ ସୈଫଙ୍କ ପୁଅ ତୈମୁରଙ୍କ ବିଷୟରେ ମଧ୍ୟ ପ୍ରଶ୍ନ ପଚରା ଯାଇଥିଲା ।
କରଣଙ୍କ ସହିତ କଥାବାର୍ତ୍ତା କରି ସୈଫ୍ କହିଥିଲେ ଯେ,ତୈମୁରଙ୍କ ଯେଉଁ ଫଟୋ ସୋଶିଆଲ ମିଡିଆରେ ଆସିଥାଏ ତାହାର ପ୍ରତ୍ୟେକଟି ଫଟୋର ଦାମ୍ ରହିଛି ଏକ ହଜାର ପାଞ୍ଚ ଶହ ଟଙ୍କା । ଏହାସହିତ ସବୁଠାରୁ ଅଧିକ ଦାମ୍ ରେ ବିକ୍ରି ହେଉଥିବା ଫଟୋ ମଧ୍ୟରେ ତୈମୁରଙ୍କ ଫଟୋ ପ୍ରଥମରେ ଅଛି । ଯେଉଁ ଲିଷ୍ଟରେ ସେ ସବୁଠୁ ଶେଷରେ ଅଛନ୍ତି ।
ସୈଫଙ୍କ ମୁତାବକ ତାଙ୍କୁ ଏହି ବିଷୟରେ ତାଙ୍କ ଶ୍ୱଶୁର ସୂଚନା ଦେଇଥିଲେ । ଏହି ସମୟରେ ମଜାଳିଆମିରେ ସୈଫ ଆହୁରୀ ମଧ୍ୟ କହିଥିଲେ କି ଯଦି ସେ ତୈମୁରଙ୍କ ମାଧ୍ୟମରେ ଭଲ ଟଙ୍କା ଆୟ କରୁଛନ୍ତି ତେବେ ତାଙ୍କୁ କୌଣସି ଅସୁବିଧା ନାହିଁ । ଏହି ବିଷୟରେ ସୈଫ୍ କରୀନାଙ୍କ ସହ ଆଲୋଚନା କରିବାରୁ କରୀନା ତାଙ୍କୁ ଚିଫ୍ ବୋଲି କହିଥିଲେ ।
