ମୁମ୍ବାଇ ( ଏଟିଆର ବ୍ୟୁରୋ): ସବୁ ପ୍ରତିକ୍ଷାର ଅନ୍ତ ଘଟାଇ ରିଲିଜ ହେଲା ଶୋସାଲ ମିଡିଆ ସେନସେସନ ରାନୁ ମଣ୍ଡଲଙ୍କ ପ୍ରଥମ ଫିଲ୍ମଗୀତ “ ତେରୀ ମେରୀ କାହାନୀ’’ । ହିମେଶ ରେସେମିୟାଙ୍କ ଅପକମିଙ୍ଗ ମୁଭି ‘ ହାପି ହାର୍ଡି ଆଣ୍ଡ ହୀର’ ରେ ରାନୁ ଗାଇଥିବା ଏହି ଗୀତ । ଯାହା ଗତକାଲି ଠାରୁ ଶୋସାଲ ମିଡିଆରେ ରାଜ କରୁଛି । ପୂର୍ବରୁ ଶୋସାଲ ମିଡିଆରେ ଗୀତଟିର ମୁଖୁଡା ରାନୁଙ୍କ କଣ୍ଠରେ ଭାଇରାଲ ହୋଇଥିଲା ।
ଏବେ ପୁର। ଗୀତଟି ଆସିବା ପରେ ପ୍ରଥମ ଦିନରେ ହିଁ ଏହି ଗୀତ ମାର୍କେଟରେ ଧୂମ ମଚାଇଛି । ଗତକାଲି ଏକ ସାମ୍ବାଦିକ ସମ୍ମିଳନୀରେ ଗୀତଟି ରିଲିଜ ହୋଇଛି । ଏଥିରେ ହିମେଶ ରେଶେମିୟା ଓ ତାଙ୍କ ସ୍ତ୍ରୀ ସୋନିଆ କପୁରଙ୍କ ସମେତ ରାନୁ ମଣ୍ଡଲ ଉପସ୍ଥିତ ଥିଲେ । ତେବେ ଏହି ଗୀତର ମୁକ୍ତିଲାଭ ପୂର୍ବରୁ ସାମ୍ବାଦିକଙ୍କ ଏକ ପ୍ରଶ୍ନରେ ହିମେଶ କାନ୍ଦି ପକାଇଥିଲେ । ତାଙ୍କ ସ୍ତ୍ରୀ ହିମେଶଙ୍କ ଆଖିରୁ ଲୁହ ପୋଛି ଦେଇଥିଲେ ।
ସୂଚନାଯୋଗ୍ୟ ରାନୁମଣ୍ଡଳ କୋଲକାତାର ରାନା ଘାଟ ଷ୍ଟେସନରେ ଗୀତ ଗାଉଥିବାର ଏକ ଭିଡିଓ ଶୋସାଲ ମିଡିଆରେ ଜବରଦସ୍ତ ଭାଇରାଲ ହେବା ପରେ ତାଙ୍କୁ ଏକ ରିୟଲିଟି ଶୋରେ ଦେଖିବାକୁ ମିଳିଥିଲା । ସେଠାରେ ରାନୁଙ୍କ କଣ୍ଠ ଶୁଣି ହିମେଶ ତାଙ୍କୁ ନିଜ ଅପକମିଙ୍ଗ ସିନେମାରେ ଗୀତ ଗାଇବାର ସୁଯୋଗ ଦେଇଥିଲେ ।
