ମୁମ୍ବାଇ (ଏଟିଆର ବ୍ୟୁରୋ): ବଲିଉଡର ଦବଙ୍ଗ ଷ୍ଟାର ସଲମାନ୍ ଖାଁଙ୍କୁ ଏବେ ୫୪ ବର୍ଷ ବୟସ ହୋଇଗଲାଣି । ମାତ୍ର ଏପର୍ଯ୍ୟନ୍ତ ସେ ବିବାହ ବନ୍ଧନରେ ବାନ୍ଧି ହୋଇ ନାହାନ୍ତି । କିନ୍ତୁ ତାଙ୍କ ବିବାହକୁ ନେଇ ସର୍ବଦା ସୋସିଆଲ ମିଡିଆରେ ଚର୍ଚ୍ଚା ଲାଗି ରହିଥାଏ । ଏପରିକି ସଲମାନ୍ ଙ୍କ ନାଁ ଅନେକ ବଲିଉଡ ଅଭିନେତ୍ରୀଙ୍କ ସହ ଯୋଡି ହୋଇଛି ।
ସଲମାନ୍ ଙ୍କୁ ବିବାହ କରିବା ପାଇଁ ଆଜି ଅନେକ ଝିଅ ଅନେଇ ବସିଛନ୍ତି । ସେହି ଅନୁଯାୟୀ ସଲମାନ୍ ଙ୍କୁ ବିବାହ କରିବାକୁ ନେଇ ଆଉ ଜଣେ ଅଭିନେତ୍ରୀ ପ୍ରସ୍ତାବ ରଖିଥିବାର ଖବର ସାମ୍ନାକୁ ଆସିଛି । ଅଭିନେତ୍ରୀ ଜଣଙ୍କ ଆଉ କେହି ନୁହଁନ୍ତି ସେ ହେଉଛନ୍ତି ଅଭିନେତ୍ରୀ ଉର୍ବସୀ ରୌତେଲା ।
ଅଭିନେତ୍ରୀ ଉର୍ବସୀ ରୋତେଲା ସର୍ବଦା ତାଙ୍କ ସୁନ୍ଦରତା ପାଇଁ ଚର୍ଚ୍ଚାରେ ରହିଥାନ୍ତି । ଏକ ସାକ୍ଷତକାରରେ ସଲମାନ୍ ଙ୍କ ସାମ୍ନାରେ ବିବାହର ପ୍ରସ୍ତାବ ରଖିଥିଲେ ଉର୍ବସୀ । ସେହି ଅବସରରେ ସେ କହିଥିଲେ କି , ଯଦି ସଲମାନ୍ ଚାହିଁବେ ତେବେ ମୁଁ ତାଙ୍କୁ ବିବାହ କରିବା ପାଇଁ ପ୍ରସ୍ତୁତ ଅଛି ।
ସୂଚନାଯୋଗ୍ୟ, ଦବଙ୍ଗ ଷ୍ଟାର ସଲମାନ୍ ଖାଁଙ୍କୁ ଉବର୍ସ ରୌତେଲା ବହୁତ ପସନ୍ଦ କରନ୍ତି । ବଲିଉଡର ଏହି ଅଭିନେତ୍ରୀ ସଲମାନ୍ ଙ୍କର ବହୁତ ବଡ ପ୍ରଶଂସକ ।
