ନୂଆଦିଲ୍ଲୀ (ଏଟିଆର ବ୍ୟୁରୋ): ଇଣ୍ଡିଆନ୍ କ୍ରିକେଟ ଟିମ୍ ର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ପୁଣି ଥରେ ବିବାହ ବନ୍ଧନରେ ବାନ୍ଧିବାକୁ ଯାଉଛନ୍ତି । ଭାଲେଣ୍ଟାଇନ ଡେ’ ରେ ବିବାହ କରିବେ ପାଣ୍ଡ୍ୟା । ଡେଷ୍ଟିନେସନ ୱେଣ୍ଡିଙ୍ଗ ପାଇଁ ସେ ଉଦୟପୁର ଚୟନ କରିଛନ୍ତି । ତାଙ୍କ ବିବାହରେ ଅନେକ ହଲିଉଡ, ବଲିଉଡ ଷ୍ଟାର ଏବଂ କ୍ରିକେଟର ସାମିଲ ହୋଇ ପାରନ୍ତି । ଏବେ ଆପଣଙ୍କ ମନେରେ ପ୍ରଶ୍ନ ଥିବ କି ପାଣ୍ଡ୍ୟା ପୁଣି କାହାକୁ ବିବାହ କରୁଛନ୍ତି । ବାସ୍ତବରେ ସେ ଆଉ କେହି ନୁହଁନ୍ତି ତାଙ୍କ ପତ୍ନୀ ନତାଶା ଷ୍ଟେନକୋବିକ ।
ମିଡିଆ ରିପୋର୍ଟ ମୁତାବକ,୩୧ ମେ ୨୦୨୦ ରେ ବଲିଉଡ ଅଭିନେତ୍ରା ନତାଶା ଷ୍ଟେନକୋବିକଙ୍କୁ ବିବାହଙ୍କୁ ମୁମ୍ବାଇରେ କୋର୍ଟ ମ୍ୟାରେଜ୍ କରିଥିଲେ ହାର୍ଦ୍ଦିକ ପାଣ୍ଡ୍ୟା । ଏକ ବର୍ଷ ତାଙ୍କର ଏକ ପୁତ୍ର ସନ୍ତାନ ଜନ୍ମ ହୋଇଥିଲା । କରୋନା ପାଇଁ ତାଙ୍କ କୋର୍ଟ ମ୍ୟାରେଜ ରେ କେବଳ ପରିବାର ସଦସ୍ୟ ସାମିଲ ଥିଲେ । କିନ୍ତୁ ଏବେ ଦୁହେଁ ହିନ୍ଦୁ ରିତୀନୀତିରେ ବିବାହ କରିବାକୁ ଚାହୁଛନ୍ତି । ସେଥିପାଇଁ ସେ ତାଙ୍କ ଡେଷ୍ଟିନେସନ ୱେଣ୍ଡିଙ୍ଗ ପାଇଁ ଉଦୟପୁର ଚୟନ କରିଛନ୍ତି ।
