ମୁମ୍ବାଇ (ଏଟିଆର ବୁରୋ): ବଲିଉଡ ଫିଲ୍ମ ‘ବିରେ ଦି ୱେଡିଙ୍ଗ’ରେ ୪ ଜଣ ବନ୍ଧୁଙ୍କର କାହାଣୀକୁ ନେଇ ଫିଲ୍ମଟି ପ୍ରସ୍ତୁତ ହୋଇଛି, ଯେଉଁଥିରେ ତାଙ୍କ ଜୀବନର ଭିନ୍ନ ଭିନ୍ନ ସମସ୍ୟା ଦେଖିବାକୁ ପାଇବେ ଦର୍ଶକ । ଏଥିରେ କରୀନା କପୁର, ସୋନମ କପୁର, ସ୍ୱରା ଭାସ୍କର ଏବଂ ସିଖା ତଲସିଆନି ମୁଖ୍ୟ ଭୂମିକାରେ ଅଭିନୟ କରିଛନ୍ତି ।
ନିକଟରେ ଏହି ଫିଲ୍ମର ଟ୍ରେଲର ସହିତ ୩ଟି ଗୀତ ରିଲିଜ୍ ହୋଇ ଥିଲା । ଏବେ ପୁଣି ଥରେ ଫିଲ୍ମ ନିର୍ମାତା ଏକ ପୋଷ୍ଟର ରିଲିଜ କରିଛନ୍ତି ,ଯେଉଁଥିରେ ଫିଲ୍ମର ୪ ଜଣ ଅଭିନେତ୍ରୀ ବିନ୍ଦାସ ଲୁକରେ ନଜର ଆସିଛନ୍ତି ।
ସୂଚନାନୁଯାୟୀ, ବର୍ତ୍ତମାନ ଏହି ଫିଲ୍ମଟି ରିଲିଜ ହୋଇ ଯିବା କଥା । କିନ୍ତୁ କରୀନା ଗର୍ଭବତୀ ଥିବା ଯୋଗୁଁ ଏହି ଫିଲ୍ମର ସୁଟିଂ ତାରିଖକୁ ଘୁଞ୍ଚାଇ ଦିଆଯାଇଥିଲା । ଏବଂ ତୈଇମୁର ଜନ୍ମ ହେବା ପରେ କରୀନା ନିଜକୁ ଫିଟ କରିବା ପରେ ସୁଟିଂ ଆରମ୍ଭ ହୋଇଥିଲା ।
ଶଶାଙ୍କ ଘୋଷଙ୍କ ଦ୍ୱାରା ନିର୍ଦ୍ଦେଶିତ ଏହି ଫିଲ୍ମଟି ଜୁନ୍ ୧ରେ ପରଦାକୁ ଆସିବ ।
