ମୁମ୍ବାଇ (ଏଟିଆର ବ୍ୟୁରୋ): କ୍ରିକେଟର ମହେନ୍ଦ୍ର ସିଂ ଧୋନୀଙ୍କ ବାୟୋପିକରେ ତାଙ୍କ ଜୀବନର ପ୍ରତିଟି ମୁହୁର୍ତ୍ତକୁ ଦର୍ଶାଯାଇଥିଲା । ଫିଲ୍ମରେ ତାଙ୍କ ଖେଳ ସହିତ ପରିବାର ଏବଂ ବନ୍ଧୁଙ୍କ ବିଷୟରେ ଜାଣିବାକୁ ପାଇଥିଲେ ଦର୍ଶକ । କିନ୍ତୁ ଏବେ ଏଭଳି ଏକ କଥା ସାମ୍ନାକୁ ଆସିଛି । ଯାହାକୁ ଆପଣ ଫିଲ୍ମରେ ବି ଦେଖିନଥିବେ । ଫିଲ୍ମରେ ଧୋନୀଙ୍କ ପରିବାରର ମାତା, ପିତାଙ୍କ ବ୍ୟତୀତ ତାଙ୍କର ଏକ ଭଉଣୀ ଙ୍କୁ ଦେଖିବାକୁ ମିଳିଥିଲା । କିନ୍ତୁ ଆପଣ ଜାଣିକି ଆଶ୍ଚର୍ଯ୍ୟ ହେବେ ଯେ ତାଙ୍କର ଏକ ଭାଇ ବି ଅଛନ୍ତି । ଯାହା ଫିଲ୍ମରେ ଦେଖିବାକୁ ମିଳିନଥିଲା ।
ଆଜ୍ଞା ହଁ ଧୋନୀଙ୍କ ଭାଇଙ୍କ ନାଁ ହେଉଛି ନରେନ୍ଦ୍ର ସିଂ ଧୋନୀ । ସେ ବୟସରେ ମହେନ୍ଦ୍ର ସିଂ ଧୋନୀଙ୍କୁ ଠାରୁ ୧୦ ବର୍ଷ ବଡ । ସେ ଉତ୍ତର ପ୍ରଦେଶର ରାଜନୈତିକ ଦଳ ସମାଜବାଦୀ ପାର୍ଟି ସହ ସଂପୃକ୍ତ ଅଛନ୍ତି । ଏହାପୂର୍ବରୁ ସେ ଭାରତୀୟ ଜନତା ପାର୍ଟି ସହିତ ଜଡିତ ଥିଲେ ।
୨୦୦୭ରେ ନରେନ୍ଦ୍ର ସିଂ ଧୋନୀ ବିବାହ କରିବା ପରେ ସେ ତାଙ୍କର ପରିବାର ଠାରୁ ଅଲଗା ରହୁଛନ୍ତି । ମିଡିଆକୁ ସାକ୍ଷାତ କରି ନରେନ୍ଦ୍ର ସିଂ ଧୋନୀ କହିଛନ୍ତି ଯେ, ମହେନ୍ଦ୍ର ସିଂ ଧୋନୀଙ୍କ ସଫଳତାରେ ମୋର କୌଣସି ସହଯୋଗ ନାହିଁ । କିନ୍ତୁ ଖେଳିବା ପାଇଁ ସ୍ୱତଃପ୍ରବୁତ ଭାବେ ଉକ୍ରଣ୍ଠା ଦେଇଥିଲି । ମହେନ୍ଦ୍ର ସିଂ ଧୋନୀ ଏବଂ ମୋ ଭିତରେ ଝଗଡାକୁ ନେଇ ଫିଲ୍ମରେ ମୋ ନାଁ ଦିଆ ଯାଇନଥିଲା ।
