ମୁମ୍ବାଇ(ଏଟିଆର ବ୍ୟୁରୋ): ମୁମ୍ବାଇରେ ନିକଟରେ ଦାଦା ସାହେବ ଫାଲକେ ଇଣ୍ଟରନ୍ୟାସନାଲ ଫିଲ୍ମ ଫେଷ୍ଟିଭାଲ ଅନୁଷ୍ଠିତ ହୋଇ ଯାଇଛି । ଏହି ଅବସରରେ ବହୁ ବଲିଉଡ ଷ୍ଟାର ମାନଙ୍କୁ ବିଭିନ୍ନ କ୍ୟାଟେଗୋରି ଅନୁଯାଇ ସମ୍ମାନୀତ କରାଯାଇଛି ।
ଏହି ଲିଷ୍ଟରେ ସବୁଠାରୁ ଆଗରେ ଅଛନ୍ତି ବଲିଉଡ ଅଭିନେତା ହ୍ରିତିକ୍ ରୋଶନ । ହ୍ରିତିକ୍ ନିଜ ଫିଲ୍ମ ସୁପର ୩୦ ପାଇଁ ବେଷ୍ଟ ଆକ୍ଟର ଆୱାର୍ଡ ହାସଲ କରିବାରେ ସଫଳ ହୋଇଛନ୍ତି ।
ସେହିପରି ସୁପର ୩୦କୁ ବେଷ୍ଟ ଫିଲ୍ମ ଆୱାର୍ଡ ମିଳିଛି । ଛୋଟ ପରଦାର ବହୁ ଚର୍ଚ୍ଚିତ ରିଆଲିଟି ସୋ’ ‘ବିଗ୍ ବସ୍’ କୁ ବେଷ୍ଟ ରିଆଲିଟି ସୋର ସମ୍ମାନ ମିଳିଛି ।
ବେଷ୍ଟ ପ୍ଳେ ବ୍ୟାକ ସିଙ୍ଗର ଭାବରେ ଅର୍ମାନ ମାଲ୍ଲିକଙ୍କୁ ଆୱାର୍ଡ ମିଳିଥିବା ବେଳେ ଛୋଟ ପରଦାର ସୁନ୍ଦରୀ ନାୟିକା ଦିବ୍ୟଙ୍କା ତ୍ରିପାଠିଙ୍କୁ ବେଷ୍ଟ ଆକଟ୍ରେସ ଇନ ଟେଲିଭିଜନର ଆୱାର୍ଡ ମିଳିଛି ।
ସେହିପରି ଲୋକପ୍ରିୟ ଧାରାବାହିକ ବେପନ୍ନାହର ନାୟକ ହର୍ଷଦ ଚୋପ୍ରାଙ୍କୁ ବେଷ୍ଟ ଫେବରାଇଟ ଟେଲିଭିଜନ ଆକ୍ଟର ର ଆୱାର୍ଡ ମିଳିଛି । ମନୀଷ ମଲହୋତ୍ରାଙ୍କୁ ବେଷ୍ଟ ଆଙ୍କରର ଆୱାର୍ଡ ମିଳିଥିବା ବେଳେ ଯ ବେଷ୍ଟ ଡିକେଡ ଆୱାର୍ଡ ସମ୍ମାନରେ ବଲିଉଡର ନାମିଦାମୀ ଲୋକପ୍ରିୟ କଳାକାର ଅନୁପମ ଖେରଙ୍କୁ ସମ୍ମାନିତ କରାଯାଇଛି ।
