ମୁମ୍ବାଇ(ଏଟିଆର ବ୍ୟୁରୋ): ନିର୍ମାଣ ହେବାକୁ ଯାଉଛି ଏକ ଭିଲେନ ର ସିକ୍ୱେଲ୍ । ଆଉ ଏଥିରେ ନଜର ଆସିବେ ନୂଆ ଦୁଇଟି ଯୋଡି । ୨୦୧୪ରେ ରଲିଜ ହୋଇଥିବା ଏକ ଭିଲେନ ଫିଲ୍ମରେ ସିଦ୍ଧାର୍ଥ ମଲହୋତ୍ରା, ଶ୍ରଦ୍ଧା କପୁର ଓ ରିତେଶ ଦେଶମୁଖଙ୍କୁ ମୁଖ୍ୟ କଳାକାର ଭାବେ ଦେଖିବାକୁ ମିଳିଥିଲା । ଏହି ଫିଲ୍ମକୁ ମୋହିତ ସୂରୀ ନିର୍ଦ୍ଦେଶନା ଦେଇଥିଲେ । ତେବେ ନିର୍ଦ୍ଦେଶକ ମୋହିତ ସୂରୀ ଏହାର ସିକ୍ୱେଲ୍ ନିର୍ମାଣ କରିବାର ଯୋଜନା କରିଛନ୍ତି । ନିର୍ଦ୍ଦେଶକ ଏହାର ସିକ୍ୱେଲ୍ ରେ ସବୁ ଷ୍ଟାର ବଦଳାଇ ଦେଇଛନ୍ତି । ଦର୍ଶକ ମାନେ ଏହାର ରିମେକରେ ଦୁଇଟି ନୂଆ ଯୋଡି ଦେଖିବାକୁ ପାଇବେ । ଏନେଇ ତରଣ ଆର୍ଦଶ ଏକ ଟ୍ୱିଟ କରିଛନ୍ତି ।
IT’S OFFICIAL… #JohnAbraham, #AdityaRoyKapoor, #DishaPatani and #TaraSutaria in #EkVillain sequel, titled #EkVillain2… Directed by Mohit Suri… Produced by Ekta Kapoor and Bhushan Kumar… 8 Jan 2021 release.
— taran adarsh (@taran_adarsh) March 11, 2020
ଆଉ ଲେଖିଛନ୍ତି ଯେ, ଏକ ଭିଲେନ ୨ରେ ଜନ୍ ଆବ୍ରାହମ, ଆଦିତ୍ୟ ରୟ କପୁର, ଦିଶା ପଟାନୀ ଓ ତାରା ସୁତାରିଆ ଅଭିନୟ କରିବେ । ସେହିଭଳି ଏହି ଫିଲ୍ମକୁ ଭୂଷଣ କୁମାର ଓ ଏକତା କପୁର ପ୍ରଯୋଜନା କରୁଛନ୍ତି । ଫିଲ୍ମଟ ଏକ ଲଭଷ୍ଟୋରୀ ଉପରେ ନିର୍ମାଣ କରାଯିବ । ଫିଲ୍ମରେ ଆଦିତ୍ୟ ଓ ଜନ୍ ମୁହାମୁହିଁ ହେବେ । ଅନ୍ୟପଟେ ପ୍ରଥମ ଥର ପାଇଁ ଦର୍ଶକ ମାନେ ଜନ ଓ ଦିଶାଙ୍କ ରୋମାନ୍ସ ଦେଖିବେ । ଫିଲ୍ମଟି ୨୦୨୧ ଜାନୁଆରୀ ୨୧ରେ ରିଲିଜ ହେବ ।
