ମୁମ୍ବାଇ(ଏଟିଆର ବ୍ୟୁରୋ): ୨୦୦୩ର ସୁପରହିଟ କମେଡି ଫିଲ୍ମ ‘ହଙ୍ଗାମା’ର ନିର୍ମାତା ଏବେ ଦର୍ଶକଙ୍କ ପାଇଁ ଆଉ ଏକ ଉପହାର ଆଣିଛନ୍ତି । ‘ହଙ୍ଗାମା’ର ଦିତ୍ୱିୟ ପାର୍ଟ ‘ହଙ୍ଗାମା-୨’ ର ଆଜି ପୋଷ୍ଟର ରିଲିଜ୍ କରିଛନ୍ତି ଫିଲ୍ମର ପ୍ରଯୋଜନା ସଂସ୍ଥା ।
ତେବେ ଏହି ଫିଲ୍ମରେ ମୁଖ୍ୟ ଭୁମିକାରେ ଶିଳ୍ପା ସେଠୀ, ପରେଷ ରାୱଲ, ମିଜାନ ଜାଫର, ଓ ପ୍ରଣିତା ସୁଭାଷ ପ୍ରମୁଖ ନଜର ଆସିବେ । ଫିଲ୍ମରେ ପରେଷ ରାୱଲଙ୍କ କମେଡି ଦେଖିବା ପାଇଁ ତାଙ୍କ ଫ୍ୟାନ୍ସ ମାନଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳୁଛି । ତେବେ ବଲିଉଡ୍ ର ସୁପରଫିଟ ଅଭିନେତ୍ରୀ ଶିଳ୍ପା ସେଠୀ କୁନ୍ଦ୍ରା ମଧ୍ୟ ତାଙ୍କ ଦର୍ଶକ ମାନଙ୍କୁ କମେଡିର ଜଲୱା ଦେଖାଇବେ ।
ଫିଲ୍ମଟି ପ୍ରିୟଦର୍ଶନଙ୍କ ନିର୍ଦ୍ଦେଶନା ଓ ବିନସ୍ ଏଣ୍ଟରଟେନମେଣ୍ଟ ଜରିୟାରେ ଅଗଷ୍ଟ ୧୪ ତାରିଖରେ ପରଦାକୁ ଆସିବାକୁ ଯାଉଛି । ହଙ୍ଗାମା ଫିଲ୍ମର ୧୭ ବର୍ଷ ପରେ ଏହାର ଦିତ୍ୱିୟ ପାର୍ଟ ପରଦାକୁ ଆସିବାକୁ ଯାଉଛି, ଏନେଇ ଦର୍ଶକଙ୍କ ମଧ୍ୟରେ ମଧ୍ୟ ଅଧିକ ଉତ୍ସାହ ଦେଖିବାକୁ ମିଳୁଛି ।
