ମୁମ୍ବାଇ(ଏଟିଆର ବ୍ୟୁରୋ): ରିଲିଜ ହୋଇଛି ମୈଦାନର ପ୍ରଥମ ପୋଷ୍ଟର । ଏହି ଫଲ୍ମିଟି ଭାରତର ପୂର୍ବତନ ଫୁଟବଲ କୋଚ୍ ସୟଦ ଅବଦୁଲ ରହିମଙ୍କ ଉପରେ ନିର୍ମିତ ହେବ । ଅଜୟ ଦେବଗନ ଏହି ଫିଲ୍ମରେ ମୁଖ୍ୟ ଭୂମିକା ତଥା ସୟଦ ଅବଦୁଲ ରହିମଙ୍କ ଭୁମିକାରେ ଅଭିନୟ କରିବେ । ଆଉ ଅଜୟଙ୍କ ନାୟିକା ସାଜିବେ ସାଉଥ ସୁନ୍ଦରୀ ପ୍ରିୟାମଣି ।
ଏହି ଫିଲ୍ମଟିର ପୋଷ୍ଟାକୁ ଅଜୟ ଦେବଗନ ନିଜ ସୋସିଆଲ ମିଡିଆରେ ସେୟାର କରିଛନ୍ତି । ଏହା ସହ ଏହାର ରିଲିଜ ଡେଟ ମଧ୍ୟ ସେୟାର କରିଛନ୍ତି । ଏହି ଫିଲ୍ମକୁ ପ୍ରଯୋଜନା କରୁଛନ୍ତି ବୋନି କପୁର ଓ ଆକାଶ ଚାୱଲା । ସେହିପରି ନିର୍ଦ୍ଦେଶନା ଭାର ସମ୍ଭାଳିବେ ରବିନ୍ଦ୍ର ନାଥ ଶର୍ମା । ଏହି ଫିଲ୍ମଟି ଚଳିତ ବର୍ଷ ନଭେମ୍ବର ମାସ ୨୭ ତାରିଖରେ ରିଲିଜ ହେବ । ସୂଚନା ଯୋଗ୍ୟ ଥାଉକି ନିକଟରେ ଅଜୟ ଦେବଗନଙ୍କ ଅଭିନିତ ତାହ୍ନାଜୀ ଫିଲ୍ମ ବକ୍ସ ଅଫିସରେ ହିଟ୍ ହୋଇଥିଲା । ତେବେ ଦର୍ଶକ ମାନେ ଅଜୟଙ୍କୁ ମୈଦାନ ଫିଲ୍ମରେ ଏକ ଭିନ୍ନ ଭୂମିକାରେ ଦେଖିବାକୁ ପାଇବେ ବୋଲି ଆଶା ରଖିଛନ୍ତି ।
