ମୁମ୍ବାଇ (ଏଟିଆର ବ୍ୟୁରୋ): ବିଗ ବସ ସିଜିନ ୭ର ବିଜେତା ତଥା ଅଭିନେତ୍ରୀ ଗୌହର ଖାନ ଏବଂ ଜୈଦ୍ ଦରବାର ବିବାହ ବନ୍ଧନରେ ବାନ୍ଧି ହେଲେ । ସୋସିଆଲ୍ ମିଡିଆରେ ସେୟାର ହେଲା ତାଙ୍କ ବିବାହର ଫଟୋ । ଫଟୋଟିରେ ଗୌହର ଏବଂ ଜୈଦ୍ ଙ୍କ ଯୋଡିଟି ସୁନ୍ଦର ଦେଖାଯାଉଛି । ନିଜ ବିବାହରେ ଗୌହର କ୍ରିମ୍ ରଙ୍ଗର ଘାଗରା ପିନ୍ଧିବା ସହ ସବୁଜ ରଙ୍ଗର ଗହଣା ପିନ୍ଧିଛନ୍ତି ଓ ଜୈଦ୍ କ୍ରିମ୍ ରଙ୍ଗର ସେରୱାନୀ ପିନ୍ଧିଛନ୍ତି ।
ଫଟୋ ଛଡା କିଛି ଭିଡିଓ ମଧ୍ୟ ସାମନ୍ନାକୁ ଆସିଅଛି ଯେଉଁଥିରେ ଗୌହର ଏବଂ ଜୈଦ୍ ମିଡିଆ ସାମନ୍ନାରେ ପୋଜ୍ ଦେବାର ନଜର ଆସିଛନ୍ତି । ଭିଡିଓଟିରେ ଜୈଦ୍ ଗୌହରଙ୍କ ହାତ ଧରିଛନ୍ତି ଏବଂ ଦୁହେଁ ବହୁତ ଖୁସି ଓ ସୁନ୍ଦର ଦେଖାଯାଉଛନ୍ତି ।
ଏହା ସହ ସେମାନଙ୍କ ୱେଡିଙ୍ଗ ରିସେପ୍ସନ ସେହି ହୋଟେଲରେ ହେବାର ଅଛି । ଏହି ୱେଡିଙ୍ଗ ରିସେପ୍ସନରେ ଟିଭି ଜଗତର ଅନେକ କଳାକାରଙ୍କୁ ଦେଖିବାକୁ ମିଳିବାର ଆଶା କରାଯାଉଛି ।
