ନୂଆଦିଲ୍ଲୀ(ଏଟିଆର ବ୍ୟୁରୋ): ବିଜେପିର ବରିଷ୍ଟ ନେତା ଲାଲ କୃଷ୍ଣ ଆଡଭାନୀ ଫିଲ୍ମ ଦେଖି ଭାବବ୍ୱିହଳ ହୋଇପଡିଛନ୍ତି । ଫଲ୍ମ ଦେଖି କାନ୍ଦି ପକାଇଛନ୍ତି ଆଡଭାନୀ । ଗତକାଲି ବଲିଉଡ ଫିଲ୍ମ ଶିକାର ରିଲିଜ ହୋଇଛି । ଯାହାକୁ ଦେଖିବା ପାଇଁ ହଲରେ ପହଞ୍ଚିଥିଲେ ଆଡଭାନୀ । ଫିଲ୍ମ ଦେଖି ସାରି ହଲରେ ହିଁ କାନ୍ଦି ପକାଇଛନ୍ତି ଆଡଭାନୀ । ସୂଚନାଯୋଗ୍ୟ ଏହି ଫିଲ୍ମକୁ ବିଧୁ ବିନୋଦ ଚୋପ୍ରା ନିର୍ଦ୍ଦେଶନା ଦେଇଛନ୍ତି । ଏହି ଫିଲ୍ମଟି କାଶ୍ମୀର ପଣ୍ଡିତଙ୍କ କାହାଣୀକୁ ନେଇ ତିଆରି କରାଯାଇଛି ।
ଫିଲ୍ମର ଟ୍ରେଲରେ ହିଁ ଜଣାପଡୁଥିଲା ଯେ କାଶ୍ମୀର ପଣ୍ଡିତ ମାନଙ୍କୁ କିଭଳି ଭାବେ ରାତା ରାତି କାଶ୍ମୀର ଛାଡିବାକୁ ପଡିଥିଲା ।
ଫିଲ୍ମର ସ୍ପେଶାଲ ସ୍କ୍ରିନିଂ ସମୟରେ ଆଡଭାନୀ କାନ୍ଦିବା ଭିଡିଓ ସୁଟିଂ କରାଯାଇଛି । ଏହି ଭିଡିଓକୁ ବିଧୁ ନିଜ ସୋସିଆଲ ମିଡିଆରେ ସେୟାର କରିଛନ୍ତି । ଏହା ସହ ସେ ଲେଖିଛନ୍ତି ଯେ, ଆପଣଙ୍କ ଆଶୀର୍ବାଦ ଆମ ପାଇଁ ସବୁବେଳେ ଥାଉ । ତେବେ ଏହି ଫିଲ୍ମକୁ ନେଇ ପୂର୍ବରୁ ବଲିଉଡର ଆମିର ଖାଁ ଟ୍ୱିଟ୍ କରି ଲେଖିଥିଲେ ଯେ, ଏହି ଫିଲ୍ମକୁ ସମସ୍ତ ଦେଖିବା ଦରକାର ।
