ମୁମ୍ବାଇ (ଏଟିଆର ବ୍ୟୁରୋ): ବଲିଉଡ ଏବଂ ପଞ୍ଜାବୀ କଣ୍ଠଶିଳ୍ପୀ ନେହା କକ୍କଡ କିଛି ଦିନ ହେବ ତାଙ୍କ ବ୍ରେକଅପ୍ କୁ ନେଇ ଚର୍ଚ୍ଚାରେ ରହିଥିଲେ । ଯାହାର ପୋଷ୍ଟ ସୋସିଆଲ ମିଡିଆରେ ଖୁବ୍ ଭାଇରାଲ ହୋଇଥିଲା । ଯେଉଁଥିରେ ସେ ଡେପ୍ରେସନରେ ଅଛନ୍ତି ବୋଲି କହିଥିଲେ । ମାତ୍ର ଏବେ ନେହାଙ୍କର ଆଉ କିଛି ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଏହି ଭିଡିଓରେ ତାଙ୍କୁ ବ୍ରେକଅପ୍ ପରେ ପ୍ରଥମ ଥର ପାଇଁ ଏତେ ଖୁସି ଥିବାର ଦେଖିବାକୁ ମିଳୁଛି ।
ନେହା ତାଙ୍କ ଇଂଷ୍ଟାଗ୍ରାମରେ ଏକ ଭିଡିଓ ସେୟାର କରିଛନ୍ତି , ଯେଉଁଥିରେ ସେ ଏକ ଛୋଟ ପୁଅ ସହିତ ତାଙ୍କର ସୁପରହିଟ୍ ଗୀତ ‘ଆଂଖ ମାରେ’ ରେ ମସ୍ତି କରୁଥିବାର ନଜର ଆସୁଛନ୍ତି । ସେ ଏହି ମଜାଳିଆ ଭିଡିଓରେ ତାଙ୍କ ସାଥୀଙ୍କ ସହ ଖୁବ୍ ମସ୍ତି କରୁଛନ୍ତି । କେବଳ ମସ୍ତି ତ ନୁହେଁ ଏହି ଭିଡିଓରେ ନେହାଙ୍କୁ ସମ୍ପୁର୍ଣ୍ଣ ଛୋଟ ପିଲା ଭଳି ହେଉ ଥିବାର ଦେଖିବାକୁ ମିଳୁଛି ।
