ଭୁବନେଶ୍ୱର (ଏଟିଆର ବ୍ୟୁରୋ): ବର୍ତ୍ତମାନ ଦେଶରେ ଦିନକୁ ଦିନ ନାରୀମାନଙ୍କ ଉପରେ ଦୁଷ୍କର୍ମ ସଂଖ୍ୟା ବୁଦ୍ଧି ପାଇବାରେ ଲାଗିଛି । ସେହି ସମୟରେ ନାରୀଙ୍କ ଉପରେ ଆଧାରିତ ଫିଲ୍ମ ବକ୍ସ ଅଫିସରେ ଛାଇ ଯାଇଛି । ରାଣୀ ମୁର୍ଖଜୀଙ୍କର ବହୁ ପ୍ରତୀକ୍ଷିତ ଫିଲ୍ମ ‘ମର୍ଦାନି ୨’ ରିଲିଜ ହୋଇଯାଇଛି । ଏହି ଫିଲ୍ମରେ ରାଣୀ ଜଣେ ଏସପି ଭୂମିକାରେ ଆସିବା ସହ ଦୁଷ୍କର୍ମର ଶିକାର ହୋଇଥିବା ପିଡୀତାଙ୍କ ଅପରାଧୀକୁ ଧରି ଉଚିତ ସାସ୍ଥି ଦେଉଥିବା ଦେଖିବାକୁ ମିଳୁଛି । ଫିଲ୍ମଟିରେ ରାଣୀ ଜବରଦସ୍ତ ଆକ୍ସନ ମଧ୍ୟ କରୁଥିବା ଦେଖାଯାଉଛି । ପ୍ରଥମ ଦିନରେ ଫିଲ୍ମଟି ୩.୮୦କୋଟି ଟଙ୍କାର ବ୍ୟବସାୟ କରିଛି । ଏହି ଫିଲ୍ମଟିକୁ ଉଭୟ ସମୀକ୍ଷକ ଓ ଦର୍ଶକ ପସନ୍ଦ କରିଛନ୍ତି ।
୨୦୧୪ରେ ରିଲିଜ ହୋଇଥିବା ମର୍ଦାନି ଫିଲ୍ମର ଏହା ସିକ୍ୱେଲ ଅଟେ । ପ୍ରଥମ ଦିନରେ ଏତେ ଭଲ ବ୍ୟବସାୟ କରିନଥିଲେ ମଧ୍ୟ ଏହା ଆଗାମୀ ଦିନରେ ଭଲ ବ୍ୟବସାୟ କରିବ ବୋଲି ପ୍ରଯୋଜନା ସଂସ୍ଥା ଅ।।ଶା ରଖିଛି । ଫିଲ୍ମ ଟ୍ରେଡ ଆନାଲିସିସ ତରନ ଆଦର୍ଶ ଏହି ଫିଲ୍ମର ବ୍ୟବସାୟ ସମ୍ପର୍କରେ ଟ୍ୱଟି କରି ଜଣାଇଛନ୍ତି । ଏହି ଫିଲ୍ମର ନିର୍ଦ୍ଦେଶନା ଗୋପୀ ପୁଥରନ ଦେଇଛନ୍ତି । ଫିଲ୍ମଟି ୟସ୍ ରାଜ ବ୍ୟାନର ତଳେ ନିର୍ମାଣ ହୋଇଛି । ଏହି ଫିଲ୍ମରେ ରାଣୀଙ୍କ ବ୍ୟତିତ ବିସାଲ ଜେଠବା ଥିବା ଦେଖିବାକୁ ମିଳୁଛି ।
