ଭୁବନେଶ୍ୱର (ଏଟିଆର ବ୍ୟୁରୋ): ଆଦିପୁରୁଷ ଫିଲ୍ମରୁ ବାହାରି ପାରନ୍ତି ନବାବ ସୈଫ ଅଲ୍ଲୀ ଖାଁ । ଓମ ରାଉତ ଡାଇରେକ୍ସନରେ ନିର୍ମାଣ ହେବାକୁ ଯାଉଛି ବିଗ ବଜେଟ ଫିଲ୍ମ ଆଦିପୁରୁଷ । ଏହି ଫିଲ୍ମରେ ମୁଖ୍ୟ ଭୂମିକାରେ ସାଉଥ ସୁପରଷ୍ଟାର ପ୍ରଭାସ , ରାମ ଚରିତ୍ରରେ ଅଭିନୟ କରୁଥିବା ବେଳେ ସୈଫ ରାବଣ ଭଳି ଦମଦାର ଖଳନାୟକ ଭୂମିକାରେ ନଜରେ ଆସିବେ । କିଛି ଦିନ ତଳେ ଫିଲ୍ମ ନିର୍ମାତା ଆଦିପୁରୁଷର ପୋଷ୍ଟର ରିଲିଜ କରିଥିଲେ ।
ଯାହାପରେ ସୋସିଆଲ ମିଡିଆରେ ସୈଫକୁ ଫିଲ୍ମରୁ ବାହାର କରି ଦେବାକୁ ଦାବି ହୋଇଆସୁଛି । କାରଣ ସୁଶାନ୍ତ ସିଂଙ୍କ ମୃତ୍ୟୁ ପରେ ନେପୋଟିଜିମ ଓ ଖାଁନ ମାନଙ୍କର ଫିଲ୍ମକୁ ବିରୋଧ କରାଯିବା ସହ ଏହାକୁ ଦେଖିବାକୁ ମଧ୍ୟ ପସନ୍ଦ କରୁନାହାନ୍ତି ଦର୍ଶକ। କିଛି ଦିନ ତଳେ ରିଲିଜ ହୋଇଥିବା ସଡକ ୨ ଫିଲ୍ମକୁ ବୟକଟ କରିଥିଲେ ଦର୍ଶକ । ଏହାର ପ୍ରମୁଖ କାରଣ ହେଉଛି ଏହି ଫିଲ୍ମରେ ଅଭିନୟ ମୁଖ୍ୟ ଚରିତ୍ର ସବୁ ଷ୍ଟାର କିଡସ ହୋଇଥିବା ବେଳେ ଏହାକୁ ମହେଶ ଭଟ୍ଟ ନିର୍ଦେଶନା ଦେଇଥିଲେ । ତେବେ ଆଗକୁ ଏହିଭଳି ପରିସ୍ଥିତିକୁ ଏଡାଇବା ପାଇଁ ହୁଏତ ଆଦିପୁରୁଷ ଫିଲ୍ମରୁ ସୈଫକୁ ବାହାର କରିବାକୁ ଚିନ୍ତା କରିପାରନ୍ତି ନିର୍ମାତା ।
