ମୁମ୍ବାଇ (ଏଟିଆର ବ୍ୟୁରୋ): ବଲିଉଡର ଭାଇଜାନ୍ ମାନେ ସଲମାନ ଖାନ୍ ଆଜି ତାଙ୍କର ୫୩ତମ ଜନ୍ମ ଦିନ ପାଳନ କରୁଛନ୍ତି । ବଲିଉଡର ସବୁଠାରୁ ନାମୀଦାମୀ ହିରୋ ମଧ୍ୟରୁ ସଲମାନ୍ ହେଉଛନ୍ତି ଜଣେ । ସେ ତାଙ୍କ ଫ୍ୟାନ୍ସମାନଙ୍କ ହୃଦୟ ଜିତିବା ପାଇଁ କିଛି ନା କିଛି ଉପାୟ ବାହାର କରିଥାନ୍ତି । ସେହିପରି ଜନ୍ମଦିନର ଖାସ୍ ଅବସରରେ ତାଙ୍କ ଫ୍ୟାନ୍ସ ମାନଙ୍କୁ ଏକ ବଡ ଉପହାର ଦେଇଛନ୍ତି ।
ଖବରମୁତାବକ, ସଲମାନ୍ ବହୁତ ଶୀଘ୍ର ‘ବିଙ୍ଗ୍ ହ୍ୟୁମାନ ଜୁଏଲାରୀ ସିରିଜ’ ର ଅଂଶୀଦାର ହୋଇ ତାଙ୍କ ନିଜ ବ୍ରେସଲେଟ୍ ବିକ୍ରି କରିବାର ନିଷ୍ପତ୍ତି ନେଇଛନ୍ତି । ଏହାର ଖୁଲାସା ସେ ନିଜେ ତାଙ୍କ ଇଂଷ୍ଟାଗ୍ରାମ ଆକାଉଣ୍ଟରେ କରିଛନ୍ତି । ସଲମାନଙ୍କ ଏହି ନିଷ୍ପତି ଉପରେ ତାଙ୍କ ଫ୍ୟାନ୍ସମାନେ ଅତ୍ୟନ୍ତ ଖୁସି ଥିବା ଦେଖିବାକୁ ମିଳିଛି । ତାଙ୍କର ଏହି ଭିଡିଓକୁ ପାଖାପାଖି ୧ ମିଲିୟନ ଲୋକ ଦେଖି ସାରିଲେଣି ।
ଏହି ଭିଡିଓରେ ସଲମାନଙ୍କ ସହ ତାଙ୍କ ପିତା ସଲିମ୍ ଖାନ୍ ମଧ୍ୟ ନଜର ଆସିଛନ୍ତି । ଏଥିରେ ସଲିମ୍ ଖାନ୍ ବି ସଲମାନ୍ ଙ୍କ ଭଲି ବ୍ରେସଲେଟ୍ ପିନ୍ଧିଥିବାର ଦେଖିବାକୁ ମିଳିଛି । ଏହି ପୋଷ୍ଟ ସେୟାର କରି ସଲମାନ୍ କ୍ୟାପସନ୍ ଦେଇଛନ୍ତି କି, ମୋ ବାପାଙ୍କଠାରୁ ମୋତେ ଏବଂ ମୋଠାରୁ ଆପଣ ସମସ୍ତଙ୍କ ପାଇଁ । ମୋ ଅରିଜିନାଲ ବ୍ରେସଲେଟ୍ ଆପଣ ସମସ୍ତଙ୍କ ପାଇଁ । ଅସଲି ହୁଅ,ଅସଲି ରୁହ । ଏହା ବିଶେଷ କରି ଫ୍ଲିପକାର୍ଟ ଏବଂ ବିଙ୍ଗ୍ ହ୍ୟୁମାନ୍ କ୍ଲଥିଙ୍ଗ ଷ୍ଟୋରରେ ଅନଲାଇନ୍ ଉପଲବ୍ଧ ରହିବ ।
