ମୁମ୍ବାଇ (ଏଟିଆର ବ୍ୟୁରୋ): ଶାହରୁଖ୍ ଖାନ୍ , କ୍ୟାଟ୍ରିନା କୈଫ, ଏବଂ ଅନୁଷ୍କା ଶର୍ମାଙ୍କ ଫିଲ୍ମ ‘ଜିରୋ’ ପରଦାରରେ ମୁକ୍ତିଲାଭ କରିଛି । ଏହି ଫିଲ୍ମକୁ ନେଇ ଏବେ ଦର୍ଶକମାନଙ୍କ ମଧ୍ୟରେ ଜବରଦସ୍ତ କ୍ରେଜ୍ ଦେଖିବାକୁ ମିଳୁଛି । ସୋସିଆଲ ମିଡିଆରେ ଏହାର ଅନେକ ଭିଡିଓ ଭାଇରାଲ ହେବା ସହ ଲୋକେ ଜଶନ ମନାଉଥିବାର ନଜର ଆସୁଛନ୍ତି । ଆପଣ ଜାଣିକି ଆଶ୍ଚର୍ଯ୍ୟ ହେବେ କି ଫିଲ୍ମ ହଲକୁ କିଛି ଲୋକେ ବଉଆ ଷ୍ଟାଇଲରେ ବେକରେ ଗାମୁଛା ପକାଇ ଏଣ୍ଟ୍ରି କରୁଛନ୍ତି ତ ପୁଣି ଆଉ କିଛି ଲୋକ ଜିରୋ ଟିସାର୍ଟ ପିନ୍ଧି ସିଟ୍ ଉପରେ ଡ୍ୟାନ୍ସ କରୁଥିବାର ଦେଖିବାକୁ ମିଳିଛି ।
ସବୁଠୁ ବଡ କଥା ହେଲା ଏହି ଫିଲ୍ମରେ କିଙ୍ଗ ଖାନ୍ ଙ୍କ ସହିତ ଦବଙ୍ଗ ଖାନ୍ ମାନେ ସଲମାନ ଖାନ୍ ମଧ୍ୟ ନଜର ଆସିଛନ୍ତି । ଉଭୟେ ଡାନ୍ସ ନମ୍ବର ଇଶକବାଜରେ ଧମାଲ ମଚାଉଛନ୍ତି । ପରଦାରେ ଦୁଇ ଖାନ୍ ଙ୍କୁ ଏକାଠି ଦେଖି ଫ୍ୟାନ୍ସମାନଙ୍କ ଖୁସିର ଠିକଣା ନାହିଁ ।
ଖବରମୁତାବକ, କିଙ୍ଗ ଖାନ୍ ଙ୍କର ଏହି ଫିଲ୍ମର ହାରାହାରି ବଜେଟ୍ ୨୦୦ କୋଟି ବୋଲି କୁହାଯାଉଛି । ଯାହା ଏପର୍ଯ୍ୟନ୍ତର ସବୁଠାରୁ ଦାମୀ ଫିଲ୍ମ ।
