ଦୁବାଇ (ଏଟିଆର ବ୍ୟୁରୋ): ଯୌନ ନିର୍ଯାତନା ଅଭିଯୋଗ ମାମଲାରେ ବଲିଉଡର ପ୍ରସିଦ୍ଧ ଗାୟକ ମିକା ସିଂହ ଙ୍କୁ ଗତକାଲି ଦୁବାଇ ପୋଲିସ ଗିରଫ କରିଛି । ବ୍ରାଜିଲର ଜଣେ ୧୭ ବର୍ଷୀୟ ଯୁବତୀଙ୍କୁ ଅଶ୍ଲୀଳ ଫୋଟ ପଠାଇବାରୁ ହରଡ ଘଣାରେ ପଡିଛନ୍ତି ମିକା ।
ଏକ ସାଂସ୍କୃତିକ କାର୍ଯ୍ୟକ୍ରମରେ ଗୀତ ଗାଇବାକୁ ଯାଇଥିଲେ ବୋଲି ସେ ନିଜେ ତାଙ୍କ ଇଂଷ୍ଟାଗ୍ରାମରେ ପୂର୍ବରୁ ସୂଚନା ଦେଇଥିଲେ ।
ଜାତୀୟ ଗଣମାଧ୍ୟମର ରିପୋର୍ଟ ଅନୁସାରେ ବୁଧବାର ରାତି ୩ଟାରୁ ପୋଲିସ ମିକାଙ୍କୁ ଅଟକ ରଖିଥିଲା ଏବଂ ପରେ ପୋଲିସ ଗିରଫ କରିଛି । ମିକାଙ୍କ କିଛି ବନ୍ଧୁ ତାଙ୍କ ମୁକ୍ତି ପାଇଁ ପ୍ରୟାସ କରୁଛନ୍ତି ବୋଲି ପୋଲିସ କହିଛନ୍ତି ।
