ମୁମ୍ବାଇ (ଏଟିଆର ବ୍ୟୁରୋ): ରିଅଲିଟି ସୋ’ ‘ବିଗ ବସ୍-୧୨’ର ବିଜୟିନୀ ହୋଇଛନ୍ତି ଦୀପିକା କକ୍କର । ଏହି ଟ୍ରଫି ଜିତିବାକୁ ନେଇ ଗୋଟେପଟେ ଦୀପିକାଙ୍କ ଫ୍ୟାନ୍ସମାନେ ଖୁବ୍ ଖୁସି ଥିବା ବେଳେ ଶ୍ରୀସନ୍ତଙ୍କ ହାରିବାକୁ ନେଇ ତାଙ୍କ ଫ୍ୟାନ୍ସମାନେ ରାଗି ଯାଇଛନ୍ତି । କେବଳ ରାଗି ତ ନାହିଁ ବରଂ ଦୀପିକାଙ୍କ ଉପରେ ଏସିଡ୍ ପକାଇ ଦେବେ ବୋଲି ଧମକ ଦେଇଛନ୍ତି । ଦୀପିକାଙ୍କ ଉପରେ ଏସିଡ୍ ଆକ୍ରମଣ କରିବା କଥା ସୋସିଆଲ ମିଡିଆରେ ଜଣେ ୟୁଜର୍ସ ହିଁ କହିଛନ୍ତି । ଯିଏ ନିଜକୁ ଶ୍ରୀସନ୍ତଙ୍କ ଫ୍ୟାନ୍ସ ବୋଲି କହିଛନ୍ତି ।
ୟୁଜର୍ସ ଜଣକ ଟ୍ୱିଟ୍ କରି ଦୀପିକାଙ୍କ ବିରୋଧରେ ଖରାପ ଭାଷା ପ୍ରୟୋଗ କରି କହିଛନ୍ତି କି କେବେ ଦେଖା ହୁଅ ଏସିଡ୍ ଫିଙ୍ଗିକି ମାରିବି । ଏହି ଖବର ସାମ୍ନାକୁ ଆସିବା ପରେ ଦୀପିକାଙ୍କ ଫ୍ୟାନ୍ସମାନେ ସଜାଗ ହେବା ସହ ମୁମ୍ବାଇ ପୋଲିସରେ ଖବର ଦେଇଛନ୍ତି ।
ଖବରମୁତାବକ, ‘ବିଗ ବସ୍-୧୨’ର ଫାଇନାଲରେ ଦୀପିକା କକ୍କର,ଦୀପକ ଏବଂ ଶ୍ରୀସନ୍ତଙ୍କ ମଧ୍ୟରେ ଟକ୍କର ଲାଗିଥିଲା । ଏଥିରେ ବାଜିମାରି ନେଇଥିଲେ ଦୀପିକା ।
