ମୁମ୍ବାଇ (ଏଟିଆର ବ୍ୟୁରୋ): ସାମ୍ନାକୁ ଆସିଲା ଫିଲ୍ମ ‘ତନାଜୀ:ଦି ଅନସଙ୍ଗ ୱାରିୟର’ର ଫାଷ୍ଟ ଲୁକ୍ । ଏଥିରେ ଅଭିନେତା ଅଜୟ ଦେବଗନଙ୍କୁ ୱାରିଅର ଲୁକ୍ ରେ ଦେଖିବାକୁ ମିଳିଛି । ଛତ୍ରପତି ଶିବାଜୀ ମହାରାଜଙ୍କ ସେନାପତି ତନାଜୀ ମାଲୁସେରଙ୍କ ଉପରେ ଫିଲ୍ମଟି ନିର୍ମାଣ କରାଯାଇଛି । ଫିଲ୍ମ ନିର୍ଦ୍ଦେଶକ ଓମ ରାଉତ ଅଜୟଙ୍କ ଏହି ଲୁକ୍ କୁ ସେୟର କରି ନବବର୍ଷର ଅଭିନନ୍ଦନ ଜଣାଇଛନ୍ତି ।
ଏହି ଫିଲ୍ମରେ ଅଜୟଙ୍କ ବ୍ୟତିତ ସୈଫ ଅଲ୍ଲୀ ଖାଁ ବି ନଜର ଆସିବେ । ରାଜପୁତ ପରିବାରର ଉଦୟଭାନ ରାଠୌର ଭୂମିକାରେ ସୈଫଙ୍କୁ ଦେଖିବାକୁ ମିଳିବ । ପାଖାପାଖି ୧୨ ବର୍ଷ ପରେ ଅଜୟ-ସୈଫ ଏକାଠି ନଜର ଆସିବେ ।
ଏହାସହିତ ଏହି ଫିଲ୍ମରେ ସଲମାନ୍ ଖାନ୍ ଛତ୍ରପତି ଶୀବାଜୀ ଭୂମିକାରେ ନଜର ଆସିପାରନ୍ତି । ଏହି ଫିଲ୍ମକୁ ବାହୁବଳୀ ଭଳି ଥ୍ରିଡି ଇଫେକ୍ଟ ମଧ୍ୟ ଦିଆଯାଉଛି । ସେଥିପାଇଁ ଫିଲ୍ମଟି ଛୋଟ ପିଲାଙ୍କୁ ଅଧିକ ପସନ୍ଦ ଆସିବ ବୋଲି ଅନୂମାନ କରାଯାଉଛି । ଫିଲ୍ମଟି ୨୨ ନଭେମ୍ବର ୨୦୧୯ରେ ପରଦାରେ ମୁକ୍ତିଲାଭ କରିବ ।
