ନୂଆଦିଲ୍ଲୀ (ଏଟିଆର ବ୍ୟୁରୋ): ଆମେରିକାର ଏକ ବିମାନ ଦୁର୍ଘଟଣାରେ ପ୍ରାଣ ହରାଇଛନ୍ତି ଟାର୍ଜନ ଅଭିନେତା ଜୋ ଲାରା । ଏହି ଦୁର୍ଘଟଣାରେ ଜୋ ଲାରାଙ୍କ ସହିତ ତାଙ୍କ ପତ୍ନୀଙ୍କର ମଧ୍ୟ ମୃତ୍ୟୁ ଘଟିଛି । ୨୦୧୮ ମସିହାରେ ଦୁହେଁ ବିବାହ ବନ୍ଧନରେ ବାନ୍ଧି ହୋଇଥିଲେ । ବିମାନଟି ସ୍ମିରନା ରାଉଟରଫୋର୍ଡ କାଂଉଟି ବିମାନବନ୍ଦରରୁ ପାଲାମ ଯାଉଥିବା ବେଳେ ଟେନିସ ହ୍ରଦରେ ଖସି ପଡିଥିଲା । ଏହି ଦୁର୍ଘଟଣାରେ ଅଭିନେତା ଜୋ ଲାରାଙ୍କ ସମେତ ଅନ୍ୟ ସାତ ଜଣ ମଧ୍ୟ ମୃତ୍ୟୁବରଣ କରିଛନ୍ତି ।
୧୯୮୯ ମସିହାରେ ଲାରା , ଫିଲ୍ମ ‘ଟର୍ଜନ ଇନ୍ ମ୍ୟାନହଟ୍ଟନ’ ରେ ଟାର୍ଜନ ଭୂମିକାରେ ଅଭିନୟ କରିଥିଲେ । ପରେ ସେ ଟିଭି ସିରିଜ୍ ‘ଟାର୍ଜନ: ଦି ଇପିକ ଆଡଭେଞ୍ଚର’ରେ ବି ଅଭିନୟ କରିଥିଲେ । ୧୯୯୬ ରୁ ୧୯୯୭ ପର୍ଯ୍ୟନ୍ତ ଚାଲିଥିଲା ଏହି ସିରିଜ୍ । ଏଥିରେ ସେ ଖୁବ୍ ଖ୍ୟାତି ଅର୍ଜନ କରିଥିଲେ ।
