ମୁମ୍ବାଇ (ଏଟିଆର ବ୍ୟୁରୋ): ଆଜି ବଡ ପରଦାରେ ରିଲିଜ ହୋଇଯାଇଛି ତିନୋଟି ଦମଦାର ଫିଲ୍ମ । କାର୍ତ୍ତିକ ଆରିୟନ ଓ ସାରା ଅଲ୍ଲୀ ଖାଁଙ୍କ ବହୁପ୍ରତିକ୍ଷିତ ରୋମାଣ୍ଟି ଡ୍ରାମା ଫିଲ୍ମ ‘ଲଭ ଆଜ କଲ’ ପରଦାରେ ରିଲିଜ୍ ହୋଇଯାଇଛି । ଏଥିରେ ଦର୍ଶକ କାର୍ତ୍ତିକ ଏବଂ ସାରାଙ୍କ ରୋମାନ୍ସ ଦେଖିବାକୁ ପାଇବେ । ଇମତିଆଜ ଅଲ୍ଲୀଙ୍କ ଦ୍ୱାରା ନିର୍ଦ୍ଦେଶିତ ଏହି ଫିଲ୍ମଟି ଭଲ ବ୍ୟବସାୟ କରିବ ବୋଲି ପ୍ରଯୋଜନା ସଂସ୍ଥା ଆଶା ରଖିଛି । ସେହିପରି ‘ହମ ଭି ଅକେଲେ ତୁମ ଭି ଅକେଲେ’ରେ ଦର୍ଶକ ଜରିନ ଖାଁ , ଆୟୁଷ୍ମାନ ଝା, ଗୁରଫଥେ ପିରଜାଦା ଙ୍କୁ ଦେଖିବାକୁ ମିଳୁଛି ।
ଫିଲ୍ମରେ ନିର୍ଦ୍ଦେଶନା ଦେଇଛନ୍ତି ହରିଶ ଭ୍ୟାସ । ଏହି ଫିଲ୍ମଟି ରୋମାଣ୍ଟିକ ଡ୍ରାମା ଉପରେ ଆଧାରିତ ହୋଇଥିବାରୁ ଏହା ଦର୍ଶକଙ୍କ ପସନ୍ଦ ଆସିବ ବୋଲି ନିର୍ମାତା ଆଶା ବ୍ୟକ୍ତ କରିଛନ୍ତି । ଏହାସହିତ ଆଉ ଏକ ଫିଲ୍ମ ହାୱାଏଁ ନାମକ ଏକ ଡ୍ରାମା ଫିଲ୍ମ ରିଲିଜ୍ ହୋଇଛି । ଏଥିରେ ୟୋଗେସ ଭଟସ ନିର୍ଦ୍ଦେଶନା ଦେଇଛନ୍ତି । ଏହି ଫିଲ୍ମରେ ଭବେଶ କୁମାର ଇଷ୍ଟର ନରୋହା ପ୍ରମୁଖଙ୍କୁ ଦେଖିବାକୁ ମିଳୁଛି । ତେବେ ଦେଖିବାକୁ ବାକି ରହିଲା ବକ୍ସ ଅଫିସରେ କେଉଁ ଫିଲ୍ମ ନିଜର କମାଲ ଦେଖାଇବା ସହ ଭଲ ବ୍ୟବସାୟ କରିପାରୁଛି ।
