ମୁମ୍ବାଇ (ଏଟିଆର ବ୍ୟୁରୋ): ବଲିଉଡର ଜଣା ଶୁଣା ଅଭିନେତାଙ୍କ ମଧ୍ୟରୁ ଜଣେ ହେଉଛନ୍ତି ବରୁଣ ଧୱନ । ସେ ବଲିଉଡର ଏଭଳି ଜଣେ ୟଙ୍ଗଷ୍ଟାର ଯାହାଙ୍କା ଷ୍ଟାରଡମ ସବୁଠୁ ଉଚ୍ଚରେ । ଏହାସହିତ ବରୁଣଙ୍କ ଫିଲ୍ମ ବକ୍ସ ଅଫିସରେ ଧମାଲ କରିଥାଏ । ସେହିପରି ରିଲ୍ ଲାଇଫକୁ ବାଦ୍ ଦେଲେ ରିଅଲ ଲାଇଫରେ ବରୁଣ ଜଣେ ଭିନ୍ନ କିସମର । ଆପଣମାନେ ସମସ୍ତେ ଜାଣିଥିବେ କି ବରୁଣ ଦୀର୍ଘ ଦିନ ହେବ ନତାଶା ଦଲାଲଙ୍କୁ ଡେଟ୍ କରୁଛନ୍ତି । ପ୍ରାୟତଃ ଅନେକ ସମୟରେ ବରୁଣ ଏବଂ ନତାଶାଙ୍କୁ ଏକାଠି ଦେଖିବାକୁ ମିଳିଥାଏ । ଏହାସହିତ ଦୁହେଁ ବିବାହ କରିବେ ବୋଲି ଅନେକ ଦିନରୁ ଶୁଣିବାକୁ ମିଳୁଛି । କିନ୍ତୁ ଏବେ ସତରେ ଦୁହେଁ ବାହାହେବେ ବୋଲି ଖବର ସାମ୍ନାକୁ ଆସୁଛି ।
ମିଡିଆ ରିପୋର୍ଟ ମୁତାବକ, ବରୁଣଙ୍କ ଗର୍ଲଫ୍ରେଣ୍ଡ ନତାଶା ତାଙ୍କ ବାହାଘରକୁ ଖାସ୍ କରିବା ପାଇଁ ଏବେଠାରୁ ପ୍ରସ୍ତୁତି ଆରମ୍ଭ କରିସାରିଲେଣି । ମାନେ ନତାଶା ବାହାଘର ପାଇଁ ସପିଂ କରିବା ଆରମ୍ଭ କରିଦେଇଛନ୍ତି । କାରଣ ସେ ତାଙ୍କ ବାହାଘରର ପ୍ରତ୍ୟେକ ଛୋଟ ମୋଟ ଜିନିଷ ଉପରେ ଧ୍ୟାନ ଦେବାକୁ ଚାହାନ୍ତି । ଦୁହେଁ ଚଳିତ ବର୍ଷ ନଭେମ୍ବର ମାସ ସୁଧା ବାହାଘର ବନ୍ଧନରେ ବାନ୍ଧି ହେବେ ବୋଲି ଜାଣିବାକୁ ମିଳିଛି ।
ବର୍ତ୍ତମାନ ବରୁଣ ଧୱନ କଳଙ୍କ ଏବଂ ରେମୋ ଡିସୁଜାଙ୍କ ଡ୍ୟାନ୍ସ ଫିଲ୍ମର ସୁଟିଂରେ ବ୍ୟସ୍ତ ଅଛନ୍ତି । ଯଦି ଫିଲ୍ମ ସୁଟିଂ ଶେଷ ହେବାର ଡେରୀ ହୁଏ ତେବେ ବରୁଣଙ୍କ ବାହାଗର ଡିସେମ୍ବରକୁ ଘୁଞ୍ଚାଇ ଦିଆଯାଇ ପାରେ । ହୁଏତ ବାହାଘରକୁ ନେଇ କୌଣସି ସଠିକ୍ ଖବର ଆସିନାହିଁ, କିନ୍ତୁ ଚଳିତ ବର୍ଷ ଶେଷ ସୁଧା ବରୁଣ ଏବଂ ନତାଶା ସାତ ଫେରା ନେବେ ବୋଲି ଜାଣିବାକୁ ମିଳିଛି ।
