ଭୁବନେଶ୍ୱର (ଏଟିଆର ବୁରୋ):ଏବେ ରାଜ୍ୟରେ ଚିନ୍ତା ବଢାଇଛି କରୋନା ଜନିତ ମୃତ୍ୟୁ । ସ୍ଥିତି ବିଗିଡିବାରେ ଲାଗିଛି । ପ୍ରତ୍ୟେକ ଦିନ ନୂତନ ମାମଲା ସାମ୍ନାକୁ ଆସିବା ସହିତ ଗୋଟେ ପରେ ଗୋଟେ ଜୀବନ ନେଉଛି କରୋନା । ସଂକ୍ରମିତଙ୍କ ସଂଖ୍ୟା କମୁଛି ପଛେ ମୃତକଙ୍କ ସଂଖ୍ୟା ବଢିଚାଲିଛି ପଛେ ଥମିବାର ନାଁ ଧରୁନି । ସେହିଅନୁଯାୟୀ ଏବେ ପୁଣି ଆଉ ୧୭ ମୁଣ୍ଡ ନେଇଛି କରୋନା । ଏହାପରେ ରାଜ୍ୟରେ ମୋଟ କରୋନା ଜନିତ ମୃତ୍ୟୁ ସଂଖ୍ୟା ୧୧୨୧ କୁ ବୃଦ୍ଧି ପାଇଛି । ଏନେଇ ସୂଚନା ଦେଇଛନ୍ତି ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବଭାଗ ।
ରାଜ୍ୟରେ ଆଜି ଯେଉଁ ୧୭ ଜଣ କରୋନାରେ ଜୀବନ ହାରିଛନ୍ତି ସେମାନଙ୍କ ମଧ୍ୟରୁ ଖୋର୍ଦ୍ଧାର ୫ ଜଣ , କଟକର ୨ ଜଣ ଏବଂ ଜଗତସିଂହପୁର, ବାଲେଶ୍ୱର, ଅନୁଗୁଳ, କନ୍ଧମାଳ, କେନ୍ଦୁଝର, ନୟାଗଡ, ପୁରୀ, ମୟୂରଭଞ୍ଜ, ସମ୍ବଲପୁର ଏବଂ ସୁନ୍ଦରଗଡରୁ ଜଣେ ଲେଖାଁଏ ରହିଛନ୍ତି ।
