ଇସ୍ତାନବୁଲ (ଏଟିଆର ବ୍ୟୁରୋ) : ଗତକାଲି ତୁର୍କୀର ରାଜଧାନୀ ଇସ୍ତାନବୁଲ ସହରର ବିମାନ ବନ୍ଦରରେ ବିମାନ ଦୁର୍ଘଟଣା ହୋଇଛି । ଏହି ବିମାନ ଦୁର୍ଘଟଣାରେ ୩ଜଣଙ୍କ ମୃତ୍ୟୁ ଘଟିଥିବା ବେଳେ ୧୭୯ଜଣ ଯାତ୍ରୀ ଆହାତ ହୋଇଛନ୍ତି । ଆତ ହୋଇଥିବା ଯାତ୍ରୀମାନଙ୍କୁ ହସ୍ପିଟାଲରେ ଭତ୍ତି କରାଯିବା ସହ ସେମାନଙ୍କ ମଧ୍ୟରୁ କିଛି ଯାତ୍ରୀ ଗୁରୁତ୍ୱର ଥିବା ଜଣାପଡୁଛି । ସୂଚନାନୁଯାୟୀ , ଯାତ୍ରୀ ବିମାନଟି ପେଗାସସ ଏୟାରଲାଇନ୍ସ ଇଜମିରରୁ ଆସୁଥିଲା । ତେବେ ଏହି ବିମାନରେ ମୋଟ ମୋଟ ୧୮୩ଜଣ ଯାତ୍ରୀ ଯାତ୍ରା କରୁଥିଲେ ।
ଏତଦ ବ୍ୟତିତ ତୁର୍କୀର ଏହି ବିମାନରେ ୬ଜଣ ବିମାନ କର୍ମଚାରୀ ମଧ୍ୟ ଉପସ୍ଥିତ ଥିଲେ । କିନ୍ତୁ ଇସ୍ତାନବୁଲସ୍ଥିତ ସାବିହା ଗୋକେନ ବିମାନ ବନ୍ଦରର ରନୱେରେ ବିମାନଟି ଦୁର୍ଘଟଣାର ସମ୍ମୁଖୀନ ହୋଇଥିଲା । ଦୁର୍ଘଟଣା ସ୍ଥଳରେ ସଙ୍ଗେ ସଙ୍ଗେ ଦମକଳ ବାହିନୀ ଟିମ ପହଞ୍ଚି ବିମାନରେ ଲାଗିଥିବା ନିଆଁକୁ ଆୟତ କରିଥିଲେ । ପରେ ପରେ ମେଡିକାଲ ଟିମ ଓ ପୋଲିସ ଘଟଣାସ୍ଥଳରେ ପହଞ୍ଚି ସମସ୍ତ ଯାତ୍ରୀଙ୍କୁ ଉଧାର କରିବା ସହ ହସ୍ପିଟାଲ ନିଆଯାଇଥିଲା ।
