ନୂଆଦିଲ୍ଲୀ (ଏଟିଆର ବ୍ୟୁରୋ): ଆଜି ସାରା ଦେଶରେ ଖୁବ୍ ଧୁମ୍ ଧାମ୍ ରେ ଦଶହରା ପର୍ବ ପାଳିତ ହେଉଛି । ଅଧର୍ମ ଉପରେ ଧର୍ମର ଜୟ ଉତ୍ସବକୁ ନେଇ ପୂରା ଦେଶରେ ଉତ୍ସବର ମାହୋଲ । କେବଳ ଭାରତ ନୁହେଁ ବରଂ ସାରା ଦୁନିଆରେ ରହୁଥିବା ଭାରତୀୟ ସମୁଦାୟ ଲୋକ ବି ବିଜୟା ଦଶମୀ ପାଳନ କରୁଛନ୍ତି ।

ଏହି ଅବସରରେ ଭାରତ ବିରୋଧରେ ସର୍ବଦା ବିଷ ଓଗାଳୁ ଥିବା ପାକିସ୍ତାନ ମନ୍ତ୍ରୀ ଫୱାଦ ଚୌଧରୀ ବି ଆଜି ସୋସିଆଲ ମିଡିଆ ଜରିଆରେ ଦଶହରାର ଶୁଭେଚ୍ଛା ଜଣାଇଛନ୍ତି । ଏହାପରେ ସେ ୟୁଜର୍ସଙ୍କ ଟ୍ରୋଲର ଶିକାର ହୋଇଛନ୍ତି ।

Happy #Dusehra to all Hindu brethren in Pakistan, India and beyond….

— Ch Fawad Hussain (@fawadchaudhry) October 8, 2019

ଫୱାଦ ଟ୍ୱିଟ୍ କରି ଦଶହରାର ଶୁଭେଚ୍ଛା ଜଣାଇଛନ୍ତି । ସେ ଲେଖିଛନ୍ତି ପାକିସ୍ତାନ, ହିନ୍ଦୁସ୍ତାନ ଏବଂ ଅନ୍ୟ ଦେଶରେ ରହୁଥିବା ସମସ୍ତ ହିନ୍ଦୁଙ୍କୁ ଦଶହରାର ଶୁଭେଚ୍ଛା । ଏହାପରେ ୟୁଜର୍ସମାନେ ତାଙ୍କୁ ଟ୍ରୋଲ କରିବା ଆରମ୍ଭ କରିଦେଇଛନ୍ତି । ଏନେଇ ଫୱାଦଙ୍କୁ ପାକିସ୍ତାନର ରାବଣ ବୋଲି ମଧ୍ୟ ୟୁଜର୍ସ କହିଥିବାର ଜଣାପଡିଛି ।