ଲଦାଖ(ଏଟିଆର ବ୍ୟୁରୋ): ଭାରତ ପାଳିଛି ଆଜି ତାର ୭୪ ତମ ସ୍ୱାଧୀନତା ଦିବସ । ଦେଶର ସବୁ ସ୍ଥାନରେ ଆଜି କୋଭିଡ ନିୟମକୁ ପାଳନ କରାହୋଇ ପାଳିନ କରାଯାଇଛି ସ୍ୱାଧିନତା ଦିବସ । ଏହା ସହିତ ସ୍ୱାଧୀନତା ଦିବସକୁ ବଡ ଧୂମ ଧାମରେ ପାଳନ କରିଛନ୍ତି ଭାରତ-ତିବ୍ଦତୀୟ ସୀମାରେ ରହୁଥିବା ରହୁଥିବା ପୋଲିସ (ଆଇଟିବିପି) ଯବାନମାନେ । ଲଦାଖର ୧୭,୦୦୦ ଫୁଟ ଉଚ୍ଚ ପାହାଡରେ ସ୍ୱାଧୀନତା ଦିବସ ପାଳନ କରିଛନ୍ତି ଆଇଟିବିପି ଯବାନ ମାନେ । ଆଇଟିବିପି ପକ୍ଷରୁ ଏହାର ସୋସିଆଲ ମିଡିଆ ହ୍ୟାଣ୍ଡେଲରେ ଭିଡିଓ ମଧ୍ୟ ସେୟାର କରାହୋଇଛି । ଏହା ବ୍ୟତୀତ ଭାରତ-ତିବ୍ଦତୀୟ ସୀମା ପୋଲିସର ସୈନିକମାନେ ମଧ୍ୟ ଲଦାଖର ପାଙ୍ଗଙ୍ଗ ସୋ ହ୍ରଦ କୂଳରେ ୧୪,୦୦୦ ଫୁଟ ଉଚ୍ଚରେ ଦେଶର ସ୍ୱାଧୀନତା ଦିବସ ପାଳନ କରିଛନ୍ତି ।
