ପୁରୀ (ଏଟିଆର ବ୍ୟୁରୋ): ଆଜି ହେଉଛି ବିଶ୍ୱ ରେଡିଓ ଦିବସ । ୟୁନେସ୍କୋ ପକ୍ଷରୁ ଏହି ଦିବସ ଘୋଷଣା ହେବା ପରେ ସାରା ବିଶ୍ୱରେ ଫେବୃଆରୀ ୧୩କୁ ବିଶ୍ୱ ରେଡିଓ ଦିବସ ଭାବେ ପାଳନ କରାଯାଏ । ଆଜି ବି ନିଜର ଲୋକପ୍ରିୟତା ବଜୟା ରଖିଛି ରେଡିଓ । ନୂତନ ରୂପରେ ଶ୍ରୋତାଙ୍କ ମନ ଜିଣୁଛି, ଆଉ ମନୋରଞ୍ଜନର ଖୋରାକ ଯୋଗାଉଛି ।
ରେଡିଓ ଦିବସ ଅବସରରେ ବାଲୁକା କଳା ମାଧ୍ୟମରେ ଆର୍ନ୍ତଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ସାରା ବିଶ୍ୱବାସୀଙ୍କୁ ଶୁଭେଚ୍ଛା ଜଣାଇଛନ୍ତି । ପୁରୀ ସମୁଦ୍ର ବେଳାଭୂମିରେ ସୁନ୍ଦର ବାଲୁକା ଚିତ୍ରକଳା ନିର୍ମାଣ କରିଛନ୍ତି ସୁଦର୍ଶନ ପଟ୍ଟନାୟକ ।
