(ଏଟିଆର ବ୍ୟୁରୋ): ଦୁନିଆରେ ଏଭଳି କୌଣସି ସ୍ଥାନ ନାହିଁ ଯେଉଁଠି ଚୋର ଚୋରୀ କରୁନଥିବ । ବରଂ ଆଜିକାଲି ଚୋରଙ୍କର ଉତପାତ୍ ଅଧିକ ବଢିଯାଇଛି । ଚୋରି କରିବା ଲୋଭରେ ଲୋକଙ୍କୁ ଆକ୍ରମଣ କରିବାକୁ ବି ଏମାନେ ପଛାଉ ନାହାନ୍ତି । ଯିଏ ଧରା ପଡିଲା ସେ ଥାନାର ଚକ୍କର କାଟିଲା ନଚେତ୍ କିଛି ଚୋର ଚୋରୀ କରି ଫେରାର ମଧ୍ୟ ହୋଇ ଯାଉଛନ୍ତି । ଆଜି ଆମେ ଆପଣଙ୍କୁ ଏଭଳି ଏକ ଚୋର ବିଷୟରେ କହିବାକୁ ଯାଉଛୁ ଯାହାର କତ୍ତୃତ୍ୱ ଜାଣିଲା ପରେ ଆପଣଙ୍କ ହୋସ୍ ଉଡିଯିବ ।
କାରଣ ଯେତେବେଳେ ଏହି ଚୋରଟି କାର୍ ଭିତରକୁ ଚୋରୀ କରିବାକୁ ଗଲା ସେହି କାର୍ ଭିତରେ ହିଁ ଫସି ଯାଇଥିଲା । ଯାହାଫଳରେ ଚୋରର ଜୀବନ ଅସୁବିଧାରେ ପଡିଯାଇଥିଲା । ସବୁଠାରୁ ବଡ ଆଶ୍ଚର୍ଯ୍ୟର କଥା ହେଉଛି ଚୋର ନିଜକୁ ବଞ୍ଚାଇବା ଲାଗି ଅନ୍ୟ କାହାରିକୁ ନ ଡାକି ପୋଲିସକୁ ଫୋନ୍ କରିଥିଲା । ଏହାପରେ ପୋଲିସ ଘଟଣାସ୍ଥଳରେ ପହଁଚି ଚୋରକୁ କାର୍ ଭିତରୁ ଉଦ୍ଧାର କରିଥିଲା ।
ଆଜ୍ଞା ହଁ ଏଭଳି ଏକ ଆଶ୍ଚର୍ଯ୍ୟଜନକ ଖବର ନାର୍ବେ ର ଟ୍ରୋଂଡେଲ୍ୟାଗ ଶହରରେ ଦେଖିବାକୁ ମିଳିଛି । ଚୋରର ବୟସ ପାଖାପାଖି ୧୭ ବର୍ଷ ବୋଲି ଜାଣିବାକୁ ମିଳିଛି । ଏହି ମାମଲାରେ ପୋଲିସଙ୍କ କହିବାନୁଯାୟୀ, ଯେତେବେଳେ ଚୋରଟି କାର୍ ଭିତରକୁ ଚୋରୀ କରିବାକୁ ଗଲା ସେବେ କାର୍ ର ଲକ୍ ଖୋଲି ଭିତରେ ପଶିଗଲା ସତ କିନ୍ତୁ ବାହାରକୁ ବାହାରିବା ତା ପାଇଁ କଷ୍ଟକର ହୋଇଗଲା । ଏହାପରେ ସେ ତୁରନ୍ତୁ ପୋଲିସ ଷ୍ଟେସନକୁ ଫୋନ କରିଥିଲା । ଘଟଣାସ୍ଥଳରେ ପୋଲିସ ପହଁଚି ଏହି ଚୋରକୁ ଦେଖି ଆଶ୍ଚର୍ଯ୍ୟ ହୋଇଯାଇଥିଲା । ଏହାପରେ ପୋଲିସ ଚୋରକୁ ଉଦ୍ଧାର କରି ଥାନାକୁ ନେଇଯାଇଥିଲା ।
