ଭାରତ ଜିତିଲା ନିର୍ବାଚନ । ଜାତିସଂଘର ମାନବାଧିକାର ପରିଷଦର ସଦସ୍ୟ ହେଲା ଭାରତ ।

ନୂଆଦିଲ୍ଲୀ (ଏଟିଆର ବ୍ୟୁରୋ ) ; ଜାତିସଂଘର ମାନବିକ ଅଧିକାର ପରିଷଦକୁ ନିର୍ବାଚିତ ହେଲା ଭାରତ । ଏସୀୟ – ପ୍ରଶାନ୍ତ ମହାସାଗରୀୟ ଅଞ୍ଚଳରୁ ୧୮୮ ଖଣ୍ଡ ଭୋଟ ପାଇ ଭାରତ ଜାତିସଂଘର ମାନବିକ ଅଧିକାର ପରିଷଦକୁ ନିର୍ବାଚିତ ହୋଇଛି । ତେବେ ଭାରତ ୩ ବର୍ଷ ପାଇଁ ଜାତିସଂଘକୁ ନିର୍ବାଚିତ ହୋଇଥିବା ଜଣାପଡିଛି । ଆସନ୍ତା ବର୍ଷ ଜାନୁଆରୀ ୧ ତାରିଖଠାରୁ ଭାରତର ଅବଧୀ ଆରମ୍ଭ ହେବାକୁ ଯାଉଛି । ଜାତିସଂଘର ୧୯୩ ଜଣ ସଦସ୍ୟଙ୍କ ସାଧାରଣ ଅଧିବେଶନରେ ଜାତିସଂଘର ମାନବାଧୀକାର ପରିଷଦ ପାଇଁ ନିର୍ବାଚନ କରାଯାଇଥିଲା । ଏହି ନିର୍ବାଚନରେ ଭାରତ ସମେତ ଏସୀୟ – ପ୍ରଶାନ୍ତ ମହାସାଗରୀୟ ଅଞ୍ଚଳରୁ ବାହାରିନ , ଫିଜି , ବାଂଲାଦେଶ , ଓ ଫିଲିଫାଇନ୍ସ ନିର୍ବାଚନରେ ସାମିଲ ହୋଇଥିଲେ । ଏହି ନିର୍ବାଚନ ଜିତିବାକୁ ହେଲେ କୌଣସି ଦେଶକୁ ୯୭ ଟି ଭୋଟ ଆବଶ୍ୟକତା ରହିଥିବା ବେଳେ ଭାରତ ମୋଟ ୧୮୮ ଟି ଭୋଟ ଅର୍ଜନ କରି ଜାତିସଂଘର ମାନବାଧିକାର ପରିଷଦର ସଦସ୍ୟ ହୋଇପାରିଛି । ସୂଚନା ଯୋଗ୍ୟ ଯେ ଏହି ନିର୍ବାଚନ ଗୁପ୍ତ ବାଲାଟ ଯୋଗେ ହୋଇଥିଲା । ଏହି ପ୍ରକ୍ରିୟାରେ ମୋଟ ୧୮ ଟି ନୂତନ ସଦସ୍ୟ ଜାତିସଂଘକୁ ନିର୍ବାଚିତ ହୋଇଛନ୍ତି ।