କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ତଥା ଇସ୍ପାତ ମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନ ଭିଡିଓ କନଫରେନ୍ସିଂ ଜରିଆରେ 48ଟି ସିଏନଜି ଷ୍ଟେସନ ରାଷ୍ଟ୍ରକୁ ଉତ୍ସର୍ଗ କରିବା ସହିତ 8ଟି ସିଏନଜି ଷ୍ଟେସନର ଉଦଘାଟନ କରିଛନ୍ତି । ଏହି 56ଟି ଷ୍ଟେସନ 11ଟି ରାଜ୍ୟ/କେନ୍ଦ୍ରଶାସିତ ଅଞ୍ଚଳ ଗୁଜରାଟ, ହରିୟାଣା, ଝାଡଖଣ୍ଡ, କର୍ଣ୍ଣାଟକ, ମଧ୍ୟପ୍ରଦେଶ, ମହାରାଷ୍ଟ୍ର, ନୂଆଦିଲ୍ଲୀ, ପଞ୍ଜାବ, ରାଜସ୍ଥାନ, ତେଲେଙ୍ଗାନା ଏବଂ ଉତ୍ତରପ୍ରଦେଶରେ ବ୍ୟାପିଛି ଏବଂ ଏଗୁଡିକ 11ଟି ବିଭିନ୍ନ ସଂସ୍ଥା-ଜନସାଧାରଣ ତଥା ବେସରକାରୀ ।
ଦେଶରେ ଗ୍ୟାସ ନେଟୱାର୍କର ସମ୍ପ୍ରସାରଣରେ ସମସ୍ତ ହିତାଧିକାରୀଙ୍କ ଉଦ୍ୟମକୁ ପ୍ରଶଂସା କରି ଶ୍ରୀ ପ୍ରଧାନ କହିଛନ୍ତି ଯେ, ଦେଶର 72% ଜନସଂଖ୍ୟା ଖୁବ ଶୀଘ୍ର ସିଟି ଗ୍ୟାସ ବିତରଣ (ସିଜିଡି) ନେଟୱାର୍କ ମାଧ୍ୟମରେ ଆଚ୍ଛାଦିତ ହେବେ ଏବଂ ଏହା ଭୌଗଳିକ କ୍ଷେତ୍ରର 53 ପ୍ରତିଶତକୁ ବିସ୍ତାରିତ ହେବ । ସେ କହିଛନ୍ତି ଯେ ଦେଶ ଗ୍ୟାସ ଭିତ୍ତିକ ଅର୍ଥବ୍ୟବସ୍ଥା ନୀତି ଆଡକୁ ଗତି କରୁଛି । ପିଏନଜି ଷ୍ଟେସନ ସଂଖ୍ୟା 25 ଲକ୍ଷରୁ 60 ଲକ୍ଷକୁ ବୃଦ୍ଧି ପାଇଛି; ଗ୍ୟାସ ସଂଯୋଗ କ୍ଷେତ୍ରରେ 28 ହଜାର ଶିଳ୍ପରୁ 41 ହଜାରକୁ ବୃଦ୍ଧି ପାଇଛି ଏବଂ ସିଏନଜି ଯାନ ସଂଖ୍ୟା 22 ଲକ୍ଷରୁ 34 ଲକ୍ଷକୁ ବୃଦ୍ଧି ପାଇଛି । ସେ କହିଛନ୍ତି, ଏହା ସନ୍ତୋଷଜନକ ବିଷୟ ଯେ ପବ୍ଲିକ ସେକ୍ଟର ବ୍ୟତୀତ ବେସରକାରୀ କମ୍ପାନୀମାନେ ଦେଶରେ ଗ୍ୟାସ ଭିତ୍ତିଭୂମି ବିସ୍ତାରରେ ସମ୍ପୂର୍ଣ୍ଣ ହୃଦୟର ସହ ଭାଗ ନେଉଛନ୍ତି ।
ମନ୍ତ୍ରୀ କହିଛନ୍ତି ଯେ, ସରକାର ଶକ୍ତି ଦକ୍ଷତା, ସୁଲଭତା, ସୁରକ୍ଷା ଏବଂ ଉପଲବ୍ଧତା ଉପରେ କାର୍ଯ୍ୟ କରୁଛନ୍ତି । ସେ କଳ୍ପନା କରିଛନ୍ତି ଯେ, ଶୀଘ୍ର ଗ୍ରାହକଙ୍କୁ କେବଳ ଗୋଟିଏ ସ୍ଥାନକୁ ଯିବାକୁ ପଡିବ, ଯେଉଁଠାରେ ସମସ୍ତ ପ୍ରକାର ଇନ୍ଧନ – ପେଟ୍ରୋଲ, ଡିଜେଲ, ସିଏନଜି, ଏଲଏନଜି ଏବଂ ଏଲପିଜି ଉପଲବ୍ଧ ହେବ । ସେ ଆହୁରି କହିଛନ୍ତି ଯେ, ଡିଜେଲ ପାଇଁ ସରକାର ମୋବାଇଲ ଡିସପେନସର ଆରମ୍ଭ କରିସାରିଛନ୍ତି ଏବଂ ପେଟ୍ରୋଲ ଓ ଏଲଏନଜି ପାଇଁ ସମାନ ଭାବେ ବିକାଶ କରିବାକୁ ଚାହୁଁଛନ୍ତି । ଭବିଷ୍ୟତରେ ଲୋକମାନେ ଇନ୍ଧନକୁ ଘରୋଇ ବିତରଣ ରୂପେ ପାଇପାରିବେ ବୋଲି ଶ୍ରୀ ପ୍ରଧାନ କହିଛନ୍ତି ।
ପେଟ୍ରୋଲିୟମ ଓ ପ୍ରାକୃତିକ ବାଷ୍ପ ମନ୍ତ୍ରଣାଳୟର ସଚିବ ଶ୍ରୀ ତରୁନ କପୁର କହିଛନ୍ତି ଯେ, ଭାରତ ହେଉଛି ବିଶ୍ଵର ତୃତୀୟ ବୃହତ୍ତମ ଉର୍ଜା ଉପଭୋକ୍ତା ଦେଶ ଏବଂ ଏହାକୁ 15% କରିବାର ଲକ୍ଷ୍ୟ ରଖାଯାଇଛି । ସେ କହିଛନ୍ତି ଯେ, ଦେଶରେ ଅର୍ଥନୈତିକ କାର୍ଯ୍ୟକଳାପ ଏବଂ ବ୍ୟବହାର ସ୍ତର ବୃଦ୍ଧି ପାଉଥିବାରୁ ଉର୍ଜା ବ୍ୟବହାର ବୃଦ୍ଧି ପାଇବାକୁ ବାଧ୍ୟ । ପରିବେଶ ଅନୁକୂଳ, ଶକ୍ତି ଓ ଅର୍ଥନୈତିକ ଦକ୍ଷତା ଦୃଷ୍ଟିରୁ ସରକାର ଗ୍ୟାସକୁ ଇନ୍ଧନ ଭାବରେ ପ୍ରୋତ୍ସାହିତ ଏବଂ ସମର୍ଥନ କରିବେ ବୋଲି ସେ କହିଛନ୍ତି ।
ପେଟ୍ରୋଲିୟମ ଏବଂ ପ୍ରାକୃତିକ ବାଷ୍ପ ମନ୍ତ୍ରଣାଳୟର ବରିଷ୍ଠ ଅଧିକାରୀ, ଗ୍ୟାସ କମ୍ପାନୀ, ଓଏମସି ଏବଂ ଅନ୍ୟାନ୍ୟ ହିତାଧିକାରୀମାନେ ମଧ୍ୟ ଏହି ଭର୍ଚୁଆଲ ଉଦ୍ଘାଟନୀ ସମାରୋହରେ ଅଂଶଗ୍ରହଣ କରିଥିଲେ ।
କରୋନା ଭୂତାଣୁ ବୃଦ୍ଧିକୁ ରୋକିବା ପାଇଁ ଦେଶବ୍ୟାପୀ ଲକଡାଉନ ଯୋଗୁଁ ଏହି ଷ୍ଟେସନଗୁଡିକର କାର୍ଯ୍ୟ ସମାପ୍ତ ହେବାରେ ପ୍ରଭାବିତ ହୋଇଥିଲା । ଅବଶ୍ୟ, ଗତ ମାସରେ ପ୍ରତିବନ୍ଧକକୁ ହ୍ରାସ କରିବା ପରେ, କାର୍ଯ୍ୟରେ ଦ୍ରୁତ ଅଗ୍ରଗତି ହୋଇଥିଲା ଏବଂ ସମସ୍ତ ସୁରକ୍ଷା ଓ ସାମାଜିକ ଦୂରତ୍ଵ ନିୟମ ସୁନିଶ୍ଚିତ କରାଯାଇଥିଲା । ଭାରତର ସିଏନଜି ନେଟୱାର୍କରେ ଏହି ଷ୍ଟେସନଗୁଡିକ ଯୋଡିବା ଦ୍ଵାରା ଦେଶରେ ଦୈନିକ ଭରିବା କ୍ଷମତା 50,000ରୁ ଅଧିକ ଯାନକୁ ବୃଦ୍ଧି ପାଇଛି ।
