ଭୁବନେଶ୍ୱର (ଏଟିଆର ବ୍ୟୁରୋ): ମୋଟୋରୋଲଶ ତାର ନୂତନ ସ୍ମାର୍ଟଫୋନ୍ ମୋଟୋ ଇ୭ ପାୱରକୁ ଭାରତରେ ଲଞ୍ଚ କରିଛି । ଏହି ଫୋନ୍ କୁ ୱାଟରଡ୍ରପ ନଚ୍ ଡିସପ୍ଲେ ଏବଂ ଡୁଆଲ ରିୟର କ୍ୟାମେରା ସେଟଅପ ସହିତ ଲଞ୍ଚ କରାଯାଇଛି । ଏହାକୁ ଦୁଇଟି ଭ୍ୟାରିଏଣ୍ଟରେ ଉପଲବ୍ଧ କରାଯିବ ।
ମୋଟୋ ଇ୭ ପାୱର ର ୨ ଜିବି ର୍ୟାମ ଏବଂ ୩୨ ଜିବି ଇଂଟରନାଲ ଷ୍ଟୋରେଜ ବିଶିଷ୍ଟ ଭ୍ୟାରିଏଣ୍ଟର ଦାମ୍ ୭,୪୯୯ ଟଙ୍କା ରଖାଯାଇଥିବା ବେଳେ ୪ ଜିବି ର୍ୟାମ ସହିତ ୬୪ ଜିବି ଇଂଟରନାଲ ଷ୍ଟୋରେଜ୍ ବିଶିଷ୍ଟ ଭ୍ୟାରିଏଣ୍ଟର ଦାମ୍ ୮,୨୯୯ ଟଙ୍କା ରଖାଯାଇଛି ।
ଦୁଇଟି କଲର ଅପ୍ସନ ସହିତ ଫେବୃଆରୀ ୨୬ ରୁ ଆପଣ ଫ୍ଲିପକାର୍ଟ ବା ଅନ୍ୟ ୱେବସାଇଟ ରୁ କିଣି ପାରିବେ । ଭାରତୀୟ ବଜାରରେ ଏହି ଫୋନ୍ ରେଡମୀ ୯ଆଇ, ଇନଫିନିକ୍ସ ସ୍ମାର୍ଟ୫ ଏବଂ ରିଅଲମି ସି୧୫ କୁ କଡା ଟକ୍କର ଦେବ ବୋଲି କୁହାଯାଉଛି ।
