ନୂଆଦିଲ୍ଲୀ (ଏଟିଆର ବ୍ୟୁରୋ): ମୋବାଇଲ ନିର୍ମାତା କମ୍ପାନୀ ସାମସଙ୍ଗ ସର୍ବଦା ତାର ଗ୍ରାହକଙ୍କ ପାଇଁ କିଛି ନା କିଛି ନୂଆ ଫୋନ ନେଇ ଆସିଥାଏ । ଏଥର କମ୍ପାନୀ ତାର କମ୍ପ୍ୟାକ୍ଟ ଫୋଲ୍ଡେବୁଲ ମୋବାଇଲ କୁ େଇ ଚର୍ଚ୍ଚାରେ ରହିଛି । ସାମସଙ୍ଗ ତାର ଗାଲାକ୍ସି ଜେଡ୍ ଫ୍ଲିପ ୪ ମୋବାଇଲ ଲଞ୍ଚ କରିଛି । କମ୍ପାନୀ ଦାବି କରିଛି କି, ଏହି ଫୋନକୁ ଖାସ୍ ଫିଚର୍ସ ସହିତ କମ୍ପ୍ୟାକ୍ଟ ଫୋଲ୍ଡେବୁଲ ପ୍ରିମିୟମ ସ୍ମାର୍ଟଫୋନ ଡିଜାଇନ୍ ରେ ଲଞ୍ଚ କରାଯାଇଛି । ଗାଲାକ୍ସି ଜେଡ୍ ଫ୍ଲିପ ୪ ଏଭଳି ଏକ ଷ୍ଟାଇଲିଶ ସ୍ମାର୍ଟଫୋନ ଯାହା ସମସ୍ତ ଗ୍ରାହକଙ୍କୁ ନିଜ ଆଡକୁ ଟାଣିବ ।
ପୂର୍ବ ଫୋନ ତୁଳନାରେ ଏହି ଫୋନର ଲୁକ୍ ଅଲଗା ହୋଇନି । କିନ୍ତୁ ନୂତନ ଗାଲାକ୍ସି ଜେଡ୍ ଫ୍ଲିପ ୪ ଖୁବ୍ ସାର୍ପ ଏବଂ ପଲିଶ ଯୁକ୍ତ । ଏହାପୂର୍ବର ଫୋନଟି ମ୍ୟାଟ ଫିନିଶ ସହିତ ଆସୁଥିଲା । ଅବଶ୍ୟ ନୂତନ ଡିଭାଇସର ବ୍ୟାକ ପ୍ୟାନେଲ ମ୍ୟାଟ ଫିନିଶ ସହ ଆସୁଛି ।
ଏହି ଫୋନରେ ଆପଣଙ୍କୁ ଦୁଇଟି ଡିସପ୍ଲେ ମିଳିବ । ଫୋନଟିକୁ ଓପେନ କରିବା ଦ୍ୱାରା ଆପଣଙ୍କୁ ୬.୭ ଇଂଚର ବଡ ସ୍କ୍ରିନ ନଜର ଆସିବ । ଯେଉଁଥିରେ କମ୍ପାନୀ ୧୦୮୦ଞ୍ଚ୨୬୪୦ ପିକ୍ସେଲ ରିଜ୍ୟୁଲେସନ ବିଶିଷ୍ଟ ଡାଇନାମିକ ଆମୋଲେଡ ୨ଏକ୍ସ ବ୍ୟବହାର କରିଛି । ଯାହା ୧୨୦ ହେଚଜେଡ ରିଫ୍ରେସ ରେଟ୍ ଉପରେ କାମ କରେ । ଏହାସହିତ ଏହି ଫୋନରେ ଦିଆଯାଇଥିବା ବ୍ୟାକ କ୍ୟାମେରା ସହିତ ଆମେଲେଡ ପ୍ୟାନେଲ ବିଶିଷ୍ଟ ୧.୯ ଇଂଚର ଡିସପ୍ଲେ ଏହି ମୋବାଇଲ ଫୋନକୁ ଖାସ୍ କରିବାରେ କାମ କରୁଛି । ଯେଉଁଥିରେ ଆପଣଙ୍କୁ ବ୍ୟାଟେରୀ, ଟାଇମ, ଡେଟ, ମେସେଜ ଏବଂ ମେଲର ନୋଟିଫିକେସନ ମଧ୍ୟ ମିଳିବ । ଏହାଦ୍ୱାରା ଆପଣଙ୍କୁ ବାରମ୍ବାର ଫୋନକୁ ଅନଫୋଲ୍ଡ କରିବାକୁ ପଡିବ ନାହିଁ ।
କ୍ୟାମେରା କଥା ଯଦି କହିବା ତେବେ ଏହି ମୋବାଇଲରେ ଆପଣଙ୍କୁ ଡୁଆଲ ରିୟର କ୍ୟାମେରା ସେଟଅପ ଦିଆଯାଇଛି । ଯେଉଁଥିରେ ୧୨ ମେଗାପିକ୍ସଲର ପ୍ରାଇମେରୀ ଲେନ୍ସ ସହିତ ଅନ୍ୟ ଲେନ୍ସ ମଧ୍ୟ ୧୨ ମେଗାପିକ୍ସଲର ରହିଛି । ଫ୍ରଣ୍ଟ ୧୦ ମେଗାପିକ୍ସଲର ସେଲ୍ଫି କ୍ୟାମେରା । ଏଥିରେ କମ ଆଲୁଆରେ ମଧ୍ୟ ଭଲ ଫଟୋ-ଭିଡିଓ କ୍ୟାପଚର ହୋଇପାରିବ ।
ଗାଲାକ୍ସି ଜେଡ ଫ୍ଲିପ ୪ ର ୮ଜିବି+୧୨୮ ଜିବି ର ଦାମ ୮୯୯୯୯ ଟଙ୍କା ରଖାଯାଇଥିବା ବେଳେ ୮ଜିବି+୨୫୬ଜିବିର ଦାମ ୯୪୯୯୯ ଟଙ୍କା ରହିଛି ।
