ଚେନ୍ନାଇ(ଏଟିଆର ବ୍ୟୁରୋ); ଛାତ୍ରୀମାନଙ୍କ ସୁରକ୍ଷା ନେଇ ସରକାର ବହୁ ଚେଷ୍ଟା ଚଳାଇଥିଲେ ମଧ୍ୟ ତାହା କେଉଁଠି ନା କେଉଁଠି ଅସଫଳ ସାବ୍ୟସ୍ତ ହେଉଛି । ଘର ବାହାରେ ସେମାନଙ୍କ ସହ ର୍ଦୁବ୍ୟବହାର କରାଯାଉଥିଲେ ମଧ୍ୟ ଏବେ ବନ୍ଦ ଘରେ ସେମାନଙ୍କ ଇଜ୍ଜତର ଖୋଲାଖୋଲି ନିଲାମ ହେଉଛି । କାରଣ ଛାତ୍ରୀ ନିବାସରେ ଥିବା ବାଥରୁମରେ ହିଡେନ କ୍ୟାମେରା ଲାଗିଥିବାଦେଖିବାକୁ ମିଳିଛିି । ଏହିପରି ଏକ ଘଟଣାର ପର୍ଦ୍ଦାଫାର୍ସ କରିଛି ଚେନ୍ନାଇ ପୋଲିସ । ଝିଅମାନଙ୍କୁ ରୁମ ଭଡା ଦେଇ ବାଥରୁମରେ ଘର ମାଲିକ ଲଗାଇ ଥିଲା ହିଡେନ୍ କ୍ୟାମେରା । ସମ୍ପତ୍ ରାଜ ନାମକ ଜଣେ ବ୍ୟକ୍ତିଙ୍କ ଘରେ ୭ଜଣ ଝିଅ ଭଡାରେ ରହୁଥିଲେ । ସେମାନେ ଘର ବାବଦ ଆଡଭାନ୍ସ ୨୦,୦୦୦ ଟଙ୍କା ଦେଇଥିବା ବେଳେ ମାସିକ ୫,୫୦୦ଟଙ୍କା ଦେଇ ରହିଆସୁଥିଲେ ।
କୌଣସି କାରଣବଶତଃ ଝିଅମାନଙ୍କୁ ସନ୍ଦେହ ହେବାରୁ ସେମାନେ ଗତ ୨ ତାରିଖରେ ଏନେଇ ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ମଙ୍ଗଳବାର ଦିନ ଚେନ୍ନାଇ ପୋଲିସ ଘରର ଯାଞ୍ଚ କରିଥିଲା । ଦୁଇଟି କ୍ୟାମେରା ଲାଇଟ୍ ବଲବରେ, ହ୍ୟାଙ୍ଗରରେ ଦୁଇଟା, ବେଡ୍ରୁମରେ ଦୁଇଟା ଏବଂ ବାଥରୁମରେ ମଧ୍ୟ ଦୁଇଟା କ୍ୟାମେରା ଲାଗିଥିବା ଜଣାପଡିଥିଲା । ଏହାସହ ଦରକାର ସମୟରେ ଘର ମରାମତି ନାମରେ କ୍ୟାମେରା ଗୁଡିକୁ ଆଡଜଷ୍ଟ କରାଯାଉଥିଲା । ଏହି ଘଟଣା ପରେ ଆଇଟି ଆକ୍ଟ ଆଧାରରେ ସମ୍ପତଙ୍କୁ ଗିରଫ କରି ପଚରାଉଚରା କରିଛନ୍ତି । ତଦନ୍ତ ପରେ ପଦକ୍ଷେପ ଗ୍ରହଣ କରାଯିବ ବୋଲି ପୋଲିସ ପକ୍ଷରୁ କୁହାଯାଇଛି ।
