ନୂଆଦିଲ୍ଲୀ (ଏଟିଆର ବ୍ୟୁରୋ): ଦିଲ୍ଲୀ ବିଧାନସଭା ନିର୍ବାଚନକୁ ନେଇ ଚାଲିଥିବା ପ୍ରଚାର ଆଜି ସମାପ୍ତ ହୋଇଛି । ଆଜି ଶେଷ ଦିନରେ ସମସ୍ତ ରାଜନୈତିକ ଦଳ ସେମାନଙ୍କ ପ୍ରଚାରକୁ ଯୋରଦାର କରିଛନ୍ତି । ଆଜି ଶେଷ ଦିନରେ ଭୋଟରଙ୍କୁ ଦଳ ଓ ପ୍ରାର୍ଥୀଙ୍କ ପ୍ରତି ଆକୃଷ୍ଟ କରିବାର ଶେଷ ସୁଯୋଗ କେହି ହାତଛଡା କରି ନାହାନ୍ତି । ଆଜି ଶେଷ ଦିନରେ ମଧ୍ୟ ପ୍ରତିଶୃତିର ପାହାଡରେ ଭୋଟରଙ୍କୁ ପୋତି ପକାଇଛନ୍ତି ନେତା ଓ କର୍ମୀ । ଆଜି ନିର୍ବାଚନ ପ୍ରଚାରର ଶେଷ ଦିନରେ ବହୁ ଅଭିନେତା ଓ ଅଭିନେତ୍ରୀ ଯୋଦେଇଥିଲେ ।
ଆଜି ଅନ୍ତିମ ଦିନରେ ମଧ୍ୟ ପ୍ରଚାର ମୈଦାନକୁ ଓହ୍ଲାଇଥିଲେ ଅଭିନେତା ସନ୍ନି ଦେୱାଲ । ସନି ଦେଓଲ ଉତ୍ତମ ନଗର ବିଧାନସଭା ଅଞ୍ଚଳ ପାଇଁ ବିଜେପି ପାର୍ଥିଙ୍କ ପାଇଁ ରୋଡ ଶୋ କରିଥିଲେ । ସେହିଭଳି ଅମିତ ଶାହା ମଧ୍ୟ ପ୍ରଚାର କରିଥିଲେ । ଆଜି ଧର୍ମେନ୍ଦ୍ର ପ୍ରଧାନ ମଧ୍ୟ ସେଠାରେ ଥିବା ଓଡିଆ ଭୋଟରଙ୍କ ପାଖକୁ ଯାଇ ଭୋଟ ଭିକ୍ଷା କରିଛନ୍ତି । ଅନ୍ୟପଟେ ଆଜି ଦିନ ସାରା କେଜ୍ରିୱାଲ ମଧ୍ୟ ରୋଡ ଶୋ ଓ ରାଲି କରିଥିବା ଦେଖିବାକୁ ମିଳିଥିଲା । ଆସନ୍ତା ୮ ତାରିଖରେ ଦିଲ୍ଲୀବିଧାନସଭାର ସମସ୍ତ ୭୦ ଆସନ ପାଇଁ ଭୋଟ ପଡିବ ।
