ଭୁବନେଶ୍ୱର (ଏଟିଆର ବ୍ୟୁରୋ): କରୋନାର ଦ୍ୱିତୀୟ ଲହର ଯୋଗୁଁ ଚଳିତ ଆର୍ଥିକ ବର୍ଷରେ ଦେଶର ଅର୍ଥନୀତିରେ ଦୁଇ ଲକ୍ଷ କୋଟି ଟଙ୍କା କ୍ଷତି ହୋଇଛି। ଏହି କ୍ଷତି ମୁଖ୍ୟତ ସ୍ଥାନୀୟ ତଥା ରାଜ୍ୟ ସ୍ତରୀୟ ଲକଡାଉନ୍ ର ଚାହିଦା ଉପରେ ପ୍ରତିକୂଳ ପ୍ରଭାବ ଯୋଗୁଁ ହୋଇଛି । ଏହା ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ର ଆକଳନ କରିଛି । ଯାହା ଦେଶର ଅର୍ଥନୀତି ଉପରେ ବୁଧବାର ପ୍ରକାଶିତ ରିପୋର୍ଟରେ କରୋନା ମହାମାରୀର ପ୍ରଭାବର ବିସ୍ତୃତ ସମୀକ୍ଷା କରିଛି। ଆରବିଆଇ କହିଛି ଯେ , କରୋନା ଟିକା ଏକ ବଡ ଆବିଷ୍କାର, କିନ୍ତୁ କେବଳ ଟୀକାକରଣ ଏହି ମହାମାରୀକୁ ରୋକିପାରିବ ନାହିଁ। ଆମକୁ କରୋନା ସହିତ ବଞ୍ଚିବାର ଅଭ୍ୟାସ କରିବା ସହିତ ସ୍ୱାସ୍ଥ୍ୟସେବା ଏବଂ ଲଜିଷ୍ଟିକ୍ସରେ ଅଧିକ ବିନିଯୋଗ କରିବାକୁ ସରକାରଙ୍କୁ ପ୍ରାଥମିକତା ଦେବା ଆବଶ୍ୟକ ।
ରିପୋର୍ଟରେ ଏହା ମଧ୍ୟ ଦର୍ଶାଯାଇଛି ଯେ ମୁଦ୍ରାସ୍ଫୀତି ନେଇ ଚିନ୍ତା କେନ୍ଦ୍ରୀୟ ବ୍ୟାଙ୍କ ଆଗରେ ବହୁତ ବଡ, କିନ୍ତୁ ଏହା ସତ୍ୱେ ସୁଧ ହାର ଉପରେ କୌଣସି କଡା ଆଭିମୁଖ୍ୟ ରହିବ ନାହିଁ। ଏହି କ୍ଷତି ମୁଖ୍ୟତ ଗ୍ରାମାଞ୍ଚଳ ଏବଂ ଛୋଟ ସହରଗୁଡ଼ିକରେ ଚାହିଦା ପ୍ରଭାବରେ ହେଉଛି ।
ଅବଶ୍ୟ ଗତ ବର୍ଷ ଲାଗୁ ହୋଇଥିବା ଜାତୀୟ ଲକଡାଉନ୍ ତୁଳନାରେ ଚଳିତ ବର୍ଷ କ୍ଷତି କମ୍ ଅଟେ। ଶିଳ୍ପ ଉତ୍ପାଦନ ଏବଂ ରପ୍ତାନି ସାମ୍ମୁଖ୍ୟରୁ କ୍ରମାଗତ ଭାବରେ ସକରାତ୍ମକ ସୂଚନା ଆସୁଛି । ଦେଶର ଅର୍ଥନୀତିରେ ଦ୍ରୁତ ଗତିରେ ସ୍ୱାଭାବିକକୁ ଫେରିବାର ସାମର୍ଥ୍ୟ ଅଛି ।
