ନୂଆଦିଲ୍ଲୀ (ଏଟିଆର ବ୍ୟୁରୋ): ପୁଣି ପାକିସ୍ତାନ ତାର ଅସଲ ରୂପ ଦେଖାଇଛି । ହାଜିପିର ସେକ୍ଟରରେ ପାକିସ୍ତାନ ସେନା ପକ୍ଷରୁ ସଂଘର୍ଷବିରାମ ଉଲ୍ଲଂଘନ କରାଯାଇଛି । ଇତି ମଧ୍ୟରେ ପାକ୍ ସେନା ଗୁଳିବର୍ଷଣ କରିଛି । ଏହାର ଜବାବରେ ଦୁଇ ପାକିସ୍ତାନ ସେନାକୁ ମାରି ଗଳାଇଛି ଭାରତୀୟ ସେନା । ଏହାପରେ ପାକିସ୍ତାନ ସେନା ଧଳା ପତାକା ଦେଖାଇ ତାଙ୍କର ଦୁଇ ମୃତ ସେନାକୁ ଫେରାଇ ନେଇଛନ୍ତି ।
ଶନିବାର ସକାଳୁ ପୁଞ୍ଜ ଜିଲ୍ଲାର ବାଲାକୋଟ ଏବଂ ମେଂଢର ସେକ୍ଟରରେ ପାକିସ୍ତାନ ସେନା ପକ୍ଷରୁ ଗୁଳି ବର୍ଷଣ ଆରମ୍ଭ ହୋଇଯାଇଥିଲା । କେବଳ ଏତିକି ନୁହେଁ ଘରୋଇ ଅଞ୍ଚଳକୁ ଟାର୍ଗେଟ କରି ଗୁଳି ବର୍ଷା କରିଛି ପାକିସ୍ତାନ ସେନା ।
ସୂଚନାଯୋଗ୍ୟ, ଭାରତ ସରକାର ଦ୍ୱାରା କାଶ୍ମୀରରୁ ଧାରା ୩୭୦ ହଟିବା ପରେ ପାକିସ୍ତାନ ଖାଲି ରାଗରେ ରକ୍ତ ଚାଉଳ ଚୋବାଉଛି । ଏହି ପ୍ରସଙ୍ଗରେ କୌଣସି ଦେଶ ପାକିସ୍ତାନର ସାଥ୍ ମଧ୍ୟ ଦେଉ ନାହାନ୍ତି । ଯେଉଁଥି ପାଇଁ କାଉଳା ବିକଳ ହେଉଛି ପାକିସ୍ତାନ । ଏବେ ପୁଣି ଘାଟିର ମାହୋଲକୁ ଖରାପ କରିବାରେ ଲାଗିଛି । ଘାଟରେ ଆତଙ୍କବାଦୀଙ୍କୁ ପୁରାଇବା ପାଇଁ ପ୍ରତ୍ୟେକ ଦିନ ସଂଘର୍ଷବିରାମ ଉଲ୍ଲଂଘନ କରୁଛି ପାକ୍ ।
