ଭୁବନେଶ୍ୱର (ଏଟିଆର ବ୍ୟୁରୋ); କେରଳରେ ଫସି ରହିଛନ୍ତି ୧୩୦ରୁ ଅଧିକ ଓଡିଆ । ଲଗାଣ ବର୍ଷାର ପ୍ରଭାବରେ କେରଳରେ ବନ୍ୟା ଦିନକୁ ଦିନ ଉଗ୍ର ରୂପ ନେବାରେ ଲାଗିଛି । କେରଳର ପ୍ରଳୟକାରୀ ବନ୍ୟାର ପ୍ରଭାବରେ ଜନଜିବନ ଅସ୍ଥବ୍ୟସ୍ଥ ହୋଇପଡିଥିବା ବେଳେ ଓଡିଶାରୁ ଦାଦନ ଖଟି ଯାଇଥିବା ୧୩୦ ରୁ ଅଧିକ ଓଡିଆ ଶ୍ରମିକଙ୍କ ଜିବନ ଏବେ ବିପଦରେ । ଏଭଳି ଦୁଖଦ ଖବର ଆସିଛି କେରଳର ଏର୍ଣ୍ଣାକୁଲମ ଜିଲ୍ଲାରୁ । ଏକ ଘର ମଧ୍ୟରେ ୧୩୦ ଜଣ ଓଡିଆ ଶ୍ରମିକ ଫସିରହିଥିବା ଜଣା ପଡିଛି । ସ୍ଥାନୀୟ ଓଡକାଲିର ଏକ ପାହାଡର ପ।।ଦ ଦେଶରେ ସେମାନେ ଥିବା ଜଣା ପଡିଛି । ସେମାନେ ଓଡିଶାରେ ଥିବା ନିଜ ସମ୍ପର୍କୀୟ ମାନଙ୍କୁ ଫୋନ କରି ଜଣାଇବା ସହ ସାହାର୍ଯ୍ୟ ଲୋଡିଛନ୍ତି । ସେମାନଙ୍କ ପାଖରେ କିଛି ଖାଇବାକୁ ନଥିବା ବେଳେ ପାନୀୟ ଜଳର ମଧ୍ୟ ଘୋର ସମସ୍ୟା ଥିବା କହିଛନ୍ତି । ଅନ୍ୟପଟେ କେରଳରେ ବିଦ୍ୟତ କାଟ ମଧ୍ୟ କରାଯାଇଛି । ଯାହାଦ୍ୱାରା ସେମାନଙ୍କ ମୋବାଇଲ ବନ୍ଦ ହୋଇଯିବା ନେଇ ସେମାନେ ଚିନ୍ତିତ ଥିବା ଜଣାପଡିଛି । ତେବେ ୧୩୦ ରୁ ଅଧିକ ଓଡିଆ ଶ୍ରମିକ ଏବେ ନିଜ ରାଜ୍ୟ କୁ ଫେରିଯିବା କୁ ଚାହୁଥିବା ନିଜ ପରିବାରକୁ ଜଣାଇଛନ୍ତି । ତେବେ ସେମାନଙ୍କ ମଧ୍ୟରୁ ୬୦ ଜଣ ପୁରୀ ଜିଲ୍ଲାର୍ୁ ଥିବା ବେଳେ କଟକରୁ ୩୦ ଏବଂ ଫୁଲବାଣିରୁ ୪୦ ଜଣ ଅଛନ୍ତି । ସେମାନଙ୍କୁ ଅତିଶିଘ୍ର ଉଦ୍ଦାର କରିବା ଲାଗି ଅନୁରୋଧ କରିଛନ୍ତି ।
