ଭୁବନେଶ୍ୱର ( ଏଟିଆର ବ୍ୟୁରୋ): ଚଳିତ ବର୍ଷ ଓଡିଶା ପୋଲିସର ୧୪ ଜଣଙ୍କୁ ମିଳିବ ପୋଲିସ ପଦକ । ୭୪ ତମ ସ୍ୱାଧୀନତା ଦିବସ ଅବସରରେ ୧୪ ଜଣଙ୍କୁ ପୋଲିସ ପଦକ ପ୍ରଦାନ କରାଯିବ । ଏନେଇ ଆଜି ଗୃହ ମନ୍ତ୍ରଣାଳୟ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି ।
ଓଡିଶାରୁ ମନୋନୀତ ହୋଇଥିବା ୧୪ ଜଣଙ୍କ ମଧ୍ୟରୁ ୧୨ ଜଣଙ୍କୁ ଉଲ୍ଲେଖନୀୟ ସେବା ପାଇଁ ପଦକ ପ୍ରଦାନ କରାଯାଉଥିବା ବେଳେ ୨ ଜଣଙ୍କୁ ରାଷ୍ଟ୍ରପତିଙ୍କ ପୋଲିସ ପଦକ ପ୍ରଦାନ କରାଯିବ । ଭିଜିଲାନ୍ସ ଡିଏସ୍ପି କେ. ବେଣୁଗୋପାଳ ଆଚାର୍ୟ୍ୟ ରାଷ୍ଟ୍ରପତି ଓ କନଷ୍ଟେବଳ ବିରଞ୍ଚି ନାରାୟଣ ସାହୁ ରାଷ୍ଟ୍ରପତି ପଦକ ପାଇବାକୁ ମନୋନିତ ହୋଇଛନ୍ତି।
ସେହିଭଳି ଅନ୍ୟ ୧୨ ଜଣ ହେଲେ ଅଭିରାମ କର, ତାପସ ରଞ୍ଜନ ମହାପାତ୍ର, ଅନୀଲ କୁମାର ମିଶ୍ର, ଅନୁପମା ମହାପାତ୍ର, ରାଜ କିଶୋର ପାଇକରାୟ, ଅଜୟ କୁମାର ଦାସ, ଅତୁଲ କ୍ରିଷ୍ଣ ଦାସ, ସରୋଜ କୁମାର ପଟେଲ, ନିର୍ମଲ କୁମାର ମହାପାତ୍ର, କିଶୋର ଚନ୍ଦ୍ର ବଳବନ୍ତରାୟ, ରଥ ଲାକ୍ରା, ମହମ୍ମଦ ଫଜଲ ଉମର ।
