ଭୁବନେଶ୍ୱର ( ଏଟିଆର ବ୍ୟୁରୋ): ତୃତୀୟ ପର୍ଯ୍ୟାୟ ନିର୍ବାଚନ ପାଇଁ ଏବେ ସବୁ ରାଜନୈତିକ ଦଳର ପ୍ରମୁଖ ନେତା ମାନେ ଓଡିଶା ମୁହାଁ । ୨୩ ରେ ପ୍ରଧାନମନ୍ତ୍ରୀ ଓଡିଶା ଆସିଥିବା ବେଳେ ଆଜି କଂଗ୍ରେସ ଅଧ୍ୟକ୍ଷ ରାହୁଳ ଗାନ୍ଧୀ ଓଡିଶା ଗସ୍ତରେ ଆସୁଛନ୍ତି । ସେହିଭଳି ଆସନ୍ତା କାଲି ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ଓଡିଶା ଆସୁଛନ୍ତି । ଗତ ୨୩ ରେ ପ୍ରଧାନମନ୍ତ୍ରୀ ପୁଣି ଓଡିଶା ଆସବେ ବୋଲି କହିଥିବା କଥାକୁ ନେଇ ବିଜେଡି ବିଜେପି ଟଣା ଓଟରା ହୋଇଥିଲେ ।
ଆସନ୍ତା କାଲି ପୁଣି ଓଡିଶା ଆସୁଥିବା ବେଳେ ତାକୁ ନେଇ ଚାରି ଆଡେ ଚର୍ଚ୍ଚା ଚାଲିଛି । ଆସନ୍ତା କାଲି ଓଡିଶାରେ କଣ କହିବେ ତା ଉପରେ ରହିଛି ସମସ୍ତଙ୍କ ନଜର ରହିଛି । ଶାହା ଆସନ୍ତା କାଲି ମୟୁରଭଞ୍ଜରେ ହେବାକୁ ଥିବା ବିଜୟ ସଂକଳ୍ପ ସମାବେଶରେ ଯୋଗ ଦେବାର କାର୍ଯ୍ୟକ୍ରମ ରହିଛି । ପରେ ସେଠାରୁ ସେ ଯାଜପୁର ସୁକିନ୍ଦାରେ ହେବାକୁ ଥିବା ବିଜୟ ସଂକଳ୍ପ ସମାବେଶରେ ଯୋଗଦେବାର କାର୍ଯ୍ୟକ୍ରମ ରହିଛି । ସକାଳ ୧୧ ଟା ୩୦ ରେ ମୟୁରଭଞ୍ଜରେ ସଭାରେ ଯୋଗଦେବା ପରେ ସେଠାରୁ ସେ ୧ . ୧୫ ରେ ସୁକିନ୍ଦାରେ ହେବାକୁ ଥିବା ସମାବେଶରେ ଯୋଗଦେବେ ।
