ନୂଆଦିଲ୍ଲୀ (ଏଟିଆର ବ୍ୟୁରୋ): ପୂର୍ବତନ କେନ୍ଦ୍ରମନ୍ତ୍ରୀ ଜସୱନ୍ତ ସିଂହଙ୍କ ପରଲୋକ ଘଟିଛି । ମୃତ୍ୟୁ ବେଳକୁ ତାଙ୍କୁ ୮୨ ବର୍ଷ ବୟସ ହୋଇଥିଲା । ତାଙ୍କ ମୃତ୍ୟୁ କୁ ନେଇ ପ୍ରଧାନମନ୍ତ୍ରୀ ମୋଦି ଏବଂ ରକ୍ଷାମନ୍ତ୍ରୀ ରାଜନାଥ ସିଂ ଶୋକ ବ୍ୟକ୍ତ କରିଛନ୍ତି ।
ଜସୱନ୍ତ ସିଂଙ୍କ ନିଧନରେ ଦୁଃଖ ପ୍ରକାଶ କରି ମୋଦି ଲେଖିଛନ୍ତି କି, ନିଷ୍ଠାପର ଭାବେ ଦେଶ ପାଇଁ ସେବା କରିଥିଲେ ଜସୱନ୍ତ ସିଂହ ଜୀ । ପ୍ରଥମେ ସେନା ଭାବେ ଏବଂ ପରେ ରାଜନୀତିରେ ଦୀର୍ଘ ଦିନ ଯାଏଁ ଯୋଡି ହୋଇ ରହିଥିଲେ । ଅଟଳ ଜୀଙ୍କ ସରକାର ସମୟରେ ସେ ଗୁରୁତ୍ୱପୂର୍ଣ୍ଣ ବିଭାଗର ଦାୟିତ୍ୱ ତୁଲାଇ ଏକ ଛାପ ଛାଡି ଯାଇଛନ୍ତି । ତାଙ୍କ ନିଧନରେ ମୁଁ ଦୁଃଖିତ ।
ରକ୍ଷାମନ୍ତ୍ରୀ ରାଜନାଥ ସିଂ କହିଛନ୍ତି କି, ଅନୁଭବି ବିଜେପି ନେତା ଏବଂ ପୂର୍ବତନ ମନ୍ତ୍ରୀ ଜସୱନ୍ତ ସିଂହଙ୍ ନିଧନରେ ଗଭୀର ଦୁଃଖ ପ୍ରକାଶ କରୁଛି । ସେ ରକ୍ଷା ମନ୍ତ୍ରାଳୟ ସମେତ ନେକ କ୍ଷମତାରେ ଦେଶ ପାଇଁ ସେବା କରିଛନ୍ତି ।
