ନୂଆଦିଲ୍ଲୀ (ଏଟିଆର ବ୍ୟୁରୋ): କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଆଜି ତାଙ୍କର ୪୮ତମ ଜନ୍ମ ଦିବସ ପାଳନ କରୁଛନ୍ତି । ଏହି ଅବସରରେ ସାରା ଦେଶରେ ଖୁସି ମନେଇବା ପାଇଁ କଂଗ୍ରେସ କର୍ମକର୍ତ୍ତମାନେ ସ୍ୱତନ୍ତ୍ର ଆୟୋଜନ କରିଛନ୍ତି । କଂଗ୍ରେସ ଅଧ୍ୟକ୍ଷ ହେବା ପରେ ରାହୁଲଙ୍କ ଏହା ପ୍ରଥମ ଜନ୍ମ ଦିବସ ।
ଏହି ଖୁସି ଅବସରରେ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି ଟ୍ୱିଟ୍ କରି ରାହୁଲ ଗାନ୍ଧୀଙ୍କୁ ଜନ୍ମ ଦିନର ଶୁଭେଚ୍ଛା ଜଣାଇଛନ୍ତି । ମୋଦି ଲେଖିଛନ୍ତି ଯେ, ‘କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ ଜନ୍ମ ଦିନର ଶୁଭେଚ୍ଛା । ମୁଁ ତାଙ୍କର ଲମ୍ବା ଆୟୁଷ ପାଇଁ କାମନା କରୁଛି ।’
ଖବରମୁତାବକ, ଜୁନ୍ ୧୯,୧୯୭୦ରେ ଜନ୍ମ ରାହୁଲ ଗାନ୍ଧୀ ୨୦୦୪ରୁ ରାଜନିତୀରେ ସକ୍ରିୟ । ସେ ଆଜିକାଲି ଆଗାମୀ ବର୍ଷ ହେବାକୁ ଥିବା ନିର୍ବାଚନ ପାଇଁ ଖୁବ୍ ବ୍ୟସ୍ତ ଅଛନ୍ତି ।
