ନୂଆଦିଲ୍ଲୀ (ଏଟିଆର ବ୍ୟୁରୋ): ବିଧାନସଭା ନିର୍ବାଚନରେ ପଞ୍ଜାବରେ ବହୁଳ ଭୋଟରେ ବାଜି ମାରିଥିବା ଆପ୍ ପାର୍ଟି ର ବିଧାୟକ ଭଗୱନ୍ତ ମାନ୍ ଆଜି ଅପରାହ୍ନ ସାଢେ ୧୨ଟାରେ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବେ । ଶପଥ ଗ୍ରହଣ ସମାରୋହ ପାଇଁ ଶହୀଦ ଏ ଆଜାମ ଭଗତ ସିଂହଙ୍କ ପୈତୃକ ଗ୍ରାମକୁ ଚୟନ କରାଯାଇଛି । ପଞ୍ଜାବ ରାଜ୍ୟପାଳ ବନୱାରୀଲାଲ ପୁରୋହିତ ଭଗୱତ ମାନ୍ ଙ୍କୁ ଶପଥ ଗ୍ରହଣ କରାଇବେ । ଏହି ସମାରୋହରେ ସାମିଲ ହେବା ପାଇଁ ରାଜ୍ୟର କୌଣସି ଭିଆଇପିଙ୍କୁ ଆମନ୍ତ୍ରିତ କରିନାହିଁ ଆମ୍ ଆଦମୀ ପାର୍ଟି ।
ଏହି ଶପଥ ଗ୍ରହଣ ସମାରୋହ ପାଇଁ ପାର୍ଟି ପକ୍ଷରୁ ହଳଦିଆ ଡ୍ରେସ କୋର୍ଡ ଘୋଷଣା କରାଯାଇଛି । ଡ୍ରେସ କୋର୍ଡଠୁ ନେଇ କାର୍ଯ୍ୟକ୍ରମରେ ସବୁକିଛି ହଳଦିଆ ରଙ୍ଗର ଆୟୋଜନ କରାଯାଇଛି ।
