ଭୁବନେଶ୍ୱର,୧୨ା୨/(ବ୍ୟୁରୋ): ଥାନା ଭିତରେ ଏସିପି ଓ ଏସଆଇ ହାତାହାତି ଘଟଣାର ଆଉ ଏକ ନୂଆ ତଥ୍ୟ ସାମ୍ନାକୁ ଆସିଛି । ଥାନା ଅଧିକାରୀ ଏସିପି ହଟାଅ ଅଭିଯାନରେ ଜୋରଦାର ମାତିଥିବା ଚର୍ଚ୍ଚା ହେଉଛି । ଖାସ ଏଥିପାଇଁ ସେ ଏକ ବାନରସେନା ଟିମ ଗଢ଼ିଥିବା କୁହାଯାଉଛି ।
ଟିମ୍ ରେ ନିଜ ଥାନା ସମେତ ଆଉ କେତେକ ଥାନାକୁ ଆସିଥିବା ଏସଆଇଙ୍କୁ ସାମିଲ କରାଯାଇଛି । ସେପଟେ ଘଟଣାପରଠୁ ଥାନାଠୁ ଦୂରେଇ ଦୂରେଇ ରହୁଥିବା ଏସିପିଙ୍କ ଅନୁପସ୍ଥିତି ବେଶ୍ ସୁହାଇଛି ଥାନା ଅଧିକାରୀଙ୍କୁ । ଯାହାର ଫାଇଦା ଉଠାଇବାରେ ଆଦୌ ହେଳା କରୁନାହାନ୍ତି ଥାନା ଅଧିକାରୀ । ଏପଟେ ଏସିପି ନହଟୁଥିବାରୁ ନିଜ ଗାଦି ପାଇବାରେ ବିଳମ୍ବ ହେଉଥିବା ଯୋଗୁ ଥାନା ଅଧିକାରୀ ବ୍ୟସ୍ତବିବ୍ରତ ରହୁଥିବା ଆଲୋଚନା ହେଉଛି ।
ଖାସ୍ ଏଥିପାଇଁ ବରିଷ୍ଠ ଅଧିକାରୀଙ୍କୁ ଏଣୁତେଣୁ କଥା କହି ବିଷ ମଞ୍ଜି ବୁଣିବାରେ କାଳେ ବ୍ୟସ୍ତ ରହିଛନ୍ତି ଥାନା ଅଧିକାରୀ ବୋଲି ଚାରିଆଡେ ଚର୍ଚ୍ଚା । ସେପଟେ ଥାନା ଅଧିକାରୀଙ୍କ ଚାଲ ସମ୍ପର୍କରେ ଏବେ ବରିଷ୍ଠ ଅଧିକାରୀ ବୁଝିସାରିଥିବା କଥା ମଧ୍ୟ ଶୁଣିବାକୁ ମଳୁଛି । ଏବେ ଅପେକ୍ଷା କେଉଁ ପାଣି କୁଆଡେ ଯାଉଛି ।
