ଭୁବନେଶ୍ୱର,୯ା୨/(ବ୍ୟୁରୋ): କିଛିଦିନ ତଳେ କମିଶନରେଟ ପୁଲିସରେ ଏସିପି ଓ ଏସଆଇ ହାତାହାତି ହେବା ଘଟଣା ଚର୍ଚ୍ଚାର ବିଷୟ ହୋଇଥିଲା । ଏବେ ଆଉ ଏକ ନୂଆ କଥା ସାମ୍ନାକୁ ଆସିଛି । ଘଟଣା ପରେ ଆଉ ଏସିପି ଥାନା ଦୂଆର ମୂହଁ ମାଡୁନାହାନ୍ତି । ଏତିକି ନୁହେଁ ଦୁଇମାଙ୍କଡ କଳିରେ ବିଲେଇ ଫାଇଦା ଉଠାଇବା ପରି ଏହାର ଭରପୂର ଫାଇଦା ଥାନା ଅଧିକାରୀ ଉଠାଇଥିବା ଚର୍ଚ୍ଚା ଜୋର ଧରିଛି ।
କାରଣ ଏସିପିଙ୍କ ବଦଳି ହୋଇଗଲେ ପୂର୍ବରୁ ଆସ୍ଥାନ ଜମାଇଥିବା ଥାନା ଅଧିକାରୀ ଏସିପିଙ୍କ ଗାଦିମାଡି ବସିବେ ବୋଲି ଆଲୋଚନା ହେଉଛି । ଖାସ୍ ଏଥିପାଇଁ ଏହି ଘଟଣାରେ ଥାନା ଅଧିକାରୀ ବରିଷ୍ଠ ପୁଲିସ ଅଧିକାରୀଙ୍କ ସହଯୋଗରେ ମଞ୍ଜି ବୁଣିଛନ୍ତି ନିଜ ଗାଦି ଲାଗି । ସେପଟେ ଏ କେବଳ ଗୋଟିଏ ଘଟଣା ନୁହେଁ ପୂର୍ବରୁ ମଧ୍ୟ ସେହି ଥାନାରେ ଥାନା ଅଧିକାରୀ ଓ ଏସଆଇଙ୍କ ମଧ୍ୟରେ ମାରପିଟ୍ ହୋଇଥିବା ନେଇ ଏକ ଗଣମାଧ୍ୟମରେ ଖବର ପ୍ରକାଶ ପାଇଥିଲା । ଏହାପରେ ସମ୍ପୃକ୍ତ ଥାନା ଅଧିକାରୀଙ୍କୁ ବଦଳି କରାଯାଇଥିଲା ।
