ପୁରୀ (ଏଟିଆର ବ୍ୟୁରୋ ) ; ଅବଢା ରେଟ ଚାଟକୁ ନେଇ ଉଠିଲା ବିବାଦ । ଶ୍ରୀମନ୍ଦିରରେ ଲାଗିଥିବା ରେଟ ଚାଟକୁ ନେଇ ଦ୍ୱନ୍ଦ ସୃଷ୍ଟି ହେବା ପରେ ଏନେଇ ମୁହଁ ଖୋଲିଛନ୍ତି ଶ୍ରୀମନ୍ଦିରର ମୁଖ୍ୟ ପ୍ରକାଶକ ପ୍ରଦୀପ୍ତ ମହାପାତ୍ର । ଶ୍ରୀମନ୍ଦିରରେ ଚାଲିଗିଥିବା ରେଟ ଚାଟ ବିଷୟରେ ସେ କିଛି ଜାଣିନାହାନ୍ତି ବୋଲି ଶ୍ରୀ ମହାପାତ୍ର କହିଛନ୍ତି । ଶ୍ରୀମନ୍ଦିର ପ୍ରଶାସନ ତରଫରୁ ଏହି ରେଟ ଚାଟକୁ ଲଗାଯାଇନଥିବା ବେଳେ ଏହାକୁ କିଏ ଲଗାଇଛି ସେ ନେଇ କୌଣସି ସୂଚନା ତାଙ୍କ ପାଖରେ ନଥିବା କହିଛନ୍ତି ଶ୍ରୀ ମହାପାତ୍ର । ଅନ୍ୟପକ୍ଷରେଶ୍ରୀମନ୍ଦିର ପ୍ରଶାସନ ତରଫରୁ ହିଁ ଅବଢ଼ା ‘ରେଟ୍ ଚାର୍ଟ’ ଲଗାଯାଇଛି ବୋଲି ଲୋକ ସଂପର୍କ ଅଧିକାରୀ କହିଥିଲେ । କିଛି ଦିନ ତଳେ ମିଳିଥିବା ସୂଚନା ଅନୁଯାଇ , ଶ୍ରୀମନ୍ଦିର ରେ ମିଳୁଥିବା ଅବଢାର ମୁଲ୍ୟ ସ୍ଥିର ହୋଇଥିଲା । ଥାଳିଦରରେ ଅବଢା ମିଳିବା ନେଇ ସୂଚନା ଦିଆଯାଇଥିଲା । ପାଖାପାଖି ୭୦,୮୦,ଓ ୧୨୦ ଟଙ୍କାରେ ଅବଢା ଥାଳି ବିକ୍ରି ହେବବୋଲି କୁହାଯାଉଥିଲା । ଏହାସହ ପ୍ରସାଦ କୁଡୁଆର ଫଟୋ ସହିତ ଦର ତାଲିକା ଆନନ୍ଦ ବଜାର, ସିଂହଦ୍ୱାର ସମେତ ବାଇଶିପାହାଚ ଓ ଶ୍ରୀମନ୍ଦିର ଚାରି ଦ୍ୱାରରେ ଲଗାଯିବାକୁ ନିଷ୍ପତ୍ତି ନିଆଯାଇଥିବା କୁହାଯାଇଥିଲା। ତେବେ ଆଜି ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ଏପରି ମନ୍ତବ୍ୟ ପରେ ଦ୍ୱନ୍ଦ ବଢିବାରେ ଲାଗିଛି ।
